Ռուսաստանը ոչ մեկին չի սպառնում միջուկային զենքի կիրառմամբ․ ՌԴ փոխարտգործնախարար

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

ՌԴ փոխարտգործնախարար Սերգեյ Ռյաբկովը հայտարարել է, որ Ռուսաստանը ոչ մեկին չի սպառնում միջուկային զենքի կիրառմամբ, փոխանցում է «ՌԻԱ Նովոստին»։

Դիվանագետի խոսքով՝ արևմտյան երկրներն ակտիվորեն օգտագործում են այդ հռետորաբանություն՝ փորձելով ներկայացնել, որ Մոսկվան պատրաստ է միջուկային զենքով հարվածներ հասցնել։

«Ուկրաինայում տեղի ունեցող իրադարձությունների ֆոնին Միացյալ Նահանգներն ու նրանից կախում ունեցող պետություններն ակտիվորեն շրջանառում են միջուկային հռետորաբանությունը։ Նրանք փորձում են այնպես ներկայացնել, իբրև մեր երկիրը պատրաստվում է հարվածել զանգվածային ոչնչացման զենքերով։ Եվս մեկ անգամ հարկ է բացատրել, որ Ռուսաստանը ոչ մեկին չի սպառնում միջուկային զենքի կիրառմամբ», - ասել է Ռյաբկովը։

Նրա խոսքով, միջուկային զենքի կիրառման պայմանները հստակ սահմանված են Ռուսաստանի Դաշնության պետական քաղաքականության հիմունքների մասին փաստաթղթում։ Ռուսաստանը կարող է միջուկային զենք օգտագործել Ռուսաստանի Դաշնության կամ նրա դաշնակիցների տարածքի վրա բալիստիկ հրթիռների արձակման մասին հավաստի տվյալներ ստանալու դեպքում։ Բացի այդ, նման զենք կարող է կիրառվել կրիտիկական կարևորության պետական կամ ռազմական օբյեկտների վրա հակառակորդի ազդեցության դեպքում, որոնց շարքից դուրս գալը կխաթարի միջուկային ուժերի արձագանքը, ինչպես նաև ՌԴ-ի դեմ ագրեսիայի և հասարակ զենքի կիրառման դեպքում, եթե այն վտանգում է պետության գոյությունը։