Որոնք են iPhone-ի օգտագործման 11 հիմնական սխալները

1in.am-ը գրում է.

Huffington Post-ի լրագրողները կազմել են iPhone-ի օգտագործման 11 սխալների ցուցակը՝ փոխանցում է ubr.ua-ն:

1.Երբեք չեք անջատում այն

iPhone-ը պետք է անջատել առնվազն շաբաթը մեկ անգամ, հակառակ դեպքում մարտկոցը շարքից շուտ դուրս կգա: Փորձագետների կարծիքով՝ մարտկոցը փչանում է, երբ չենք օգտագործում միացված iPhone-ը:

2. Wi-Fi-ը և Bluetooth-ը միշտ միացած եք պահում

Երբ iPhone-ի Wi-Fi-ը և Bluetooth-ը միացված են, սակայն չեն օգտագործվում, էներգիան ծախսվում է աննպատակ: Ավելի լավ է այն անջատել և միացնել միայն անհրաժեշտության դեպքում:

3. Նրանից օգտվում եք վատ եղանակին

iPhone-ը նախատեսված չէ ծայրահեղ ցածր և բարձր ջերմաստիճանների համար, այդ պատճառով հարկավոր չէ նրանից օգտվել դրսում, երբ -30 աստիճան է: Դրանից մարտկոցը սպառվում է և հեռախոսը կարող է կախվել:

4. Լիցքավորման եք թողնում գիշերը

Չնայած դա հարմար է, սակայն ամբողջովին լիցքավորվելուց հետո վնասակար է լիցքավորիչը չանջատեըլ: Մարտկոցը դրանից շուտ է փչանում և հեռախոսը արագ է լիցքաթափվում:

5.Մարտկոցը ամբողջովին լիցքավորում կամ լիցքաթափում եք

Լիթիումաիոնային մարտկոցները ամենից լավ աշխատում են 50-80% լիցքավորման դեպքում: Եթե մարտկոցը լրիվ լիցքաթափվում է, ապա նրա իոնները չեն կարողանում երկար ժամանակ լիցքերը պահել: Կարճ ընդմիջումներով մարտկոցը լիցքավորելու դեպքում հեռախոսը ավելի երկար է աշխատում:

6. Չեք օգտագործում Apple լիցքավորիչ

Apple լիցքավորիչները թանկ են, սակայն չարժե խնայել դրանց վրա: Մյուս բրենդների լիցքավորիչների օգտագործումը բացասաբար է ազդում հեռախոսի վրա: Որոշ տվյալներով՝ հնարավոր են նույնիսկ այրումներ և պայթյուններ:

7. Չեք մաքրում այն

Կեղտոտ iPhone-ի վրա ավելի շատ միկրոբ կա, քան զուգարաններում: Apple-ը խորհուրդ է տալիս iPhone-ը մաքրել առանց խավի փափուկ կտորով: Մի մոռացեք մաքրել նաև լիցքավորման պորտը: Դա կարելի է անել ատամմաքրիչի կամ որևէ սուր առարկայի օգնությամբ:

8. Զբոսնում եք հեռախոսը ձեռքին՝ ոչինչ չնկատելով

iPhone-ը գողերի համար ցանկալի իր է: Խոշոր քաղաքներում գողությունների մոտ 40%-ը բաժին է ընկել բջջային սարքերին: Այդ պատճառով հեռախոսով անհոգ զբոսնելը անվտանգ չէ:

9. Գաղտնաբառով այն չեք պաշտպանում

Գաղտնաբառը ամենահասարակ միջոցն է անձնական տվյալների պաշտպանության համար:

10. Բոլոր ծրագրերում հասանելի եք դարձնում ձեր գտնվելու վայրը

Uber և Maps ծրագրերին անհրաժեշտ է գտնվելու վայրի հասանելիությունը՝ ճիշտ աշխատելու համար: Անջատեք գեոլոկացիան բոլոր երկրորդական ծրագրերում: Մարտկոցը ձեզ շնորհակալություն կհայտնի:

11. Թույլ եք տալիս օգտագործելու Push ծանուցումը յուրաքանչյուր ծրագրում

Push ծանուցումը հեռախոսը պահում է միշտ պատրաստ վիճակում և պահանջում է մշտական միացում տվյալներին՝ լիցքաթափելով մարտկոցը: Երբ հեռախոսը ծանուցում է ստանում, էկրանը լուսավորվում է՝ լիցքաթափելով մարտկոցը: Այն նաև խանգարում է կենտրոնանալ: