ՀՀ իշխանությունների նման հիստերիկ որոշումները չեն ազդի իմ հայանպաստ դիրքորոշման և գործունեության վրա․ Զատուլին

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

Ռուսաստանի Դաշնության Պետդումայի պատգամավոր, Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը Yerevan.today-ի հետ զրույցում մեկնաբանել է Հայաստան մուտքի արգելքը։

Ավելի վաղ նմանատիպ տեղեկություն էր հայտնվել հայկական լրատվամիջոցներում։

«Մեզ համար անսպասելի էր, նամակ ստացանք ՀՀ ԱԺ արտաքին կապերի վարչության պետից։ Մեզ ասացին, որ իմ այցն անցանկալի է, և իմ հայտարարությունները (բառացի չեմ ասում) վնաս են Հայաստանին »,- ասաց Պետդումայի պատգամավորը։

«Այս որոշումը գնահատում եմ որպես պատասխան հոկտեմբերի 28-ին Երևանում կայանալիք Լազարևյան ակումբի հանդիպմանը մասնակցելու հրավերին, որը մենք ուղարկել ենք նաև ՀՀ ԱԳ նախարար Արարատ Միրզոյանին։ Քննարկման թեմա՝ «Հայ-ռուսական հարաբերությունների պատմական անցյալն ու ներկան»։

Մենք ցանկություն հայտնեցինք քննարկել այս թեման՝ կապված այն հասկանալի քննարկումների հետ, որոնք այժմ տեղի են ունենում Հայաստանում։

Իհարկե, այս քայլը ես վիրավորական եմ համարում ինքս ինձ համար։ Եվ հարց է առաջանում՝ ինչպիսի՞ ելույթներ, ինչպիսի՞ ռուս խորհրդարանականների է ցանկալի համարում նամակի հեղինակը։

Ես երկար տարիներ հանդես եմ եկել Հայաստանի և Ռուսաստանի միջև հարաբերությունների զարգացման օգտին, հեղինակել եմ Ռուսաստանի Դաշնության Պետդումայի 1995 թվականի հրամանագիրը, ըստ որի՝ Պետդումայից հետո ճանաչել է Հայոց ցեղասպանությունը…»:  

Պետդումայի պատգամավորի խոսքով՝ տարօրինակ է նաեւ այն, որ ՀՀ ԱԺ արտաքին կապերի վարչության պետը խոսում է այցի «անցանկալիության» մասին՝ փաստացի ստանձնելով սահմանապահ ծառայության գործառույթները։

«Միայն ափսոսանքով կարող եմ փաստել, որ այսօր Հայաստանում կա իշխանություն, որը հաշվի չի առնում ո՛չ արդարությունը, ո՛չ հայ-ռուսական հարաբերությունների զարգացման հիմնարար շահերը»,  - նշել է ռուս պատգամավորը։

Ինչ վերաբերում է Լազարեւսկու ակումբի ժողովի անցկացմանը, Զատուլինը նշեց, որ իրենց համար այս ամենն անսպասելի էր, և այս մասով պետք է որոշում կայացվի։

«Մենք կազմակերպչական բնույթի բոլոր հարցերը կարգավորել ենք, երեկ նույնիսկ դիմեցինք ՀՀ փոխվարչապետ Մհեր Գրիգորյանին՝ մեր այցը Ջերմուկ հեշտացնելու համար։ Ցանկանում էինք տեղում ծանոթանալ ադրբեջանական զինուժի ներխուժման հետեւանքներին։ Այս ամենի մասին քաջատեղյակ էին ՀՀ իշխանությունները։

Սակայն դա նրանց համար կարևոր չէ, որոշ ներքաղաքական հանգամանքներ են որոշիչ»,- ասել է ՌԴ Պետդումայի պատգամավորը։

«Իմ ելույթներն այս իրավիճակի մասին էին. այսօր Հայաստանի իշխանությունները փորձում են Ռուսաստանի Դաշնության դաշնակցից «տեղափոխվել» Արևմուտքի դաշնակիցներին, սա գնալով ավելի ընդգծված է դառնում։ 

Ես հրապարակայնորեն ասացի, որ վերջին ամիսներին Հայաստանը հնարավոր է համարում շահարկել այն թեման, որ Ռուսաստանի Դաշնությունը դավաճանել է Հայաստանին, ՀԱՊԿ-ն չի կատարում իր պարտավորությունները, և այդ ֆոնին նրանք զարգացնում են իրենց հարաբերությունները Արևմուտքի հետ, որը ներկայումս ներգրավված է առճակատում Ռուսաստանի հետ.

Այնպես որ, մոտ ապագայում Ռուսաստանում նախատեսվում է Պուտին-Ալիև-Փաշինյան եռակողմ հանդիպում, և այս ֆոնին նման քայլ է արվում…»,-  ընդգծել է Զատուլինը։

Կոնստանտին Զատուլինը նաև նշել է, որ ՀՀ իշխանությունների նման հիստերիկ որոշումները չեն ազդի իր հայանպաստ դիրքորոշման և գործունեության վրա։

«Այսօր ինձ, առաջին հերթին, մտահոգում է Լեռնային Ղարաբաղի բնակչության ճակատագիրը, որը, իմ կարծիքով, դավաճանվել է ՀՀ իշխանությունների կողմից։ Մինչ այդ ես այս բառը չէի օգտագործում, բայց հիմա կարծում եմ, որ բարոյական իրավունք ունեմ դա ասելու »,- եզրափակել է Զատուլինը։