ԱՄՆ-ում դատարանն ազատ է արձակել տղամարդուն, որը սխալմամբ 38 տարի բանտում է անցկացրել սպանության և բռնաբարության համար
ՀԱՍԱՐԱԿՈՒԹՅՈՒՆՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Կալիֆոռնիայի դատարանն ազատ է արձակել մի տղամարդու, որն անօրինական կերպով դատապարտվել է սպանության և բռնաբարության համար: 69-ամյա Մորիս Հասթինգսը, որը դարձել է դատական սխալի զոհ, ստիպված է եղել 38 տարի անցկացնել ճաղերի հետևում։
Մոտ 40 տարի առաջ Հասթինգսին մեղադրել են կնոջը բռնաբարելու, գլխին կրակելու և նրան այդ վիճակում բեռնախցիկում թողնելու համար, հայտնում է CBS News-ը: 1988 թվականին նա դատապարտվել է ցմահ ազատազրկման, թեև դատախազությունը մահապատիժ էր պահանջում։
ԴՆԹ-ի թեստավորումն այդ ժամանակ չի կատարվել։ Այժմ նման փորձաքննությունն ապացուցել է Հասթինգսի անմեղությունը։ Հետաքննության նոր բացահայտումների համաձայն՝ իրական մարդասպանը երկու տարի առաջ մահացել է բանտում։
Տարօրինակ է, սակայն Հասթինգսն ասել է, որ ինքը ոչ մեկի հանդեպ չարությամբ լցված չէ և ցանկանում է իր մնացած տարիները խաղաղ ապրել:
«Ես տարիներ շարունակ աղոթել եմ, որ այս օրը գա»,- ասել է տղամարդը։