Պետք է կատարենք ամենակարևոր սահմանազատումը՝ լինել Նիկոլի՞ հետ, թե՞ հայրենիքի․ Իշխան Սաղաթելյան

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

Սա համահայկական միասնականությունը վերականգնելու հանրահավաք է. ելույթ ունենալով Ֆրանսիայի հրապարակից՝ հայտարարեց ԱԺ «Հայաստան» խմբակցության ներկայացուցիչ Իշխան Սաղաթելյանը։

«Այս հանրահավաքը սովորական չէ, սա ինչ-որ մեկի դեմ կամ ինչ-որ մեկի օգտին հանրահավաք չէ։ Սա համահայկական միասնականությունը վերականգնելու հանրահավաք է. միասնականություն մեր երկրում, միասնականություն և համերաշխություն Արցախին, Սփյուռքին։ Այս հանրահավաքը դառնալու է աշխարհասփյուռ հայության միավորման սկիզբն ազդարարող հանրահավաք», - ասաց Սաղաթելյանը։

Խոսելով իշխանությունների խոստացած խաղաղության մասին՝ Սաղաթելյանը նշեց, որ նրանք նոր պատերազմ, նոր զոհեր ու ավերածություններ են բերելու։

«Գործի է դրված մեզ քայլ առ քայլ բարոյալքելու, ոչնչացնելու ծրագիր։ Այս հանրահավաքով սկսում ենք ազգային համերաշխության, միասնականության մեր ընթացքը»,-ասաց նա՝ ընդգծելով միասնական ջանքերով նոր կապիտուլյացիան կանխելու անհրաժեշտությունը։

«Կապիտուլյացիան բացառելու առաջին քայլը մեր ուժերի համախմբումն է՝ Հայաստան-Արցախ-Սփյուռք եռամիասնության վերականգնումով։ Մենք խոսում ենք թշնամու հետ սահմանազատման մասին, բայց մինչև այդ պետք է կատարենք ամենակարևոր սահմանազատումը մեր ներսում՝ լինել Նիկոլի՞ հետ, թե՞ հայրենիքի»։