Ադրբեջանցիները չեն պատրաստվում հեռանալ ՀՀ-ից․ ի՞նչ է տեսել ու արձանագրել Թաթոյանը
ՔԱՂԱՔԱԿԱՆՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Անցյալ շաբաթ այց եմ իրականացրել Հայաստանի Հանրապետության Սյունիքի մարզ, այց ենք իրականացրել նաև Վայոց ձորի մարզ։ Այցը բնույթով յուրահատուկ էր, որովհետև այցին մասնակցում էին միջազգային փաստաբաններ Կարո Ղազարյանն ու Գառնիկ Քերքորյանը, քարտեզագետներ ու պատմաբաններ։ Աշխատանքների ընթացքում մեզ նաև աջակցել է ԵՊՀ արևելագիտության ֆակուլտետը՝ դեկանի գլխավորությամբ։ Այս մասին քիչ առաջ հրավիրած մամուլի ասուլիսի ժամանակ իր ելույթում ասաց Իրավունքի և արդարության կենտրոն «Թաթոյան» հիմնադրամի տնօրեն Արման Թաթոյանը։ Ասուլիսին, նշենք, ներկայացվում են փաստահավաք աշխատանքների արդյունքները` կապված 2022թ. սեպտեմբերի 13-14-ը ՀՀ տարածք ադրբեջանական զինված ներխուժման և շարունակվող խախտումների հետ։
«Աշխատանքները ակնհայտ ցույց են տալիս, որ Հայաստանի Հանրապետությունը գտնվում է անվտանգության լրջագույն խնդիրների առաջ։ Անվտանգության խնդիրները բնականաբար պայմանավորված են ադրբեջանական ներխուժումներով և ոչ միայն։ Խոսքը նաև նրանց ներկայության մասին է մեր ճանապարհին ու գյուղերին։ Ամբողջ ուսումնասիրության ընթացքը, հետևողական մեր աշխատանքը վկայում է այն մասին, որ նրանք չեն էլ պատրաստվում հեռանալ։ Սա ես չեմ ասում, սա վկայում են նրանց գործողությունները։ Նրանք ակտիվորեն իրականացնում են ամրացման ճանապարհներ, կառուցում են ճանապարհներ, տարբեր շինություններ։ Սա բնականաբար անում են իրենց հանցավոր գործողությունները իրականացնելու համար մեր երկրի ու ժողովրդի հանդեպ»,- հավելեց նա։