Ասել, թե ադրբեջանցիները հայաստանցիների հետ պետք է չշփվեն, իսկ հայաստանցիները՝ ադրբեջանցիների, այդքան էլ ճիշտ չէ. Փաշինյան

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

Եթե մենք գնում ենք տարածաշրջանում խաղաղություն հաստատելու օրակարգը սպասարկելու, ապա ասել, թե ադրբեջանցիները հայաստանցիների հետ պետք է չշփվեն, իսկ հայաստանցիները՝ ադրբեջանցիների, այդքան էլ ճիշտ չէ, Հանրային հեռուստաընկերության եթերում ասաց վարչապետ Նիկոլ Փաշինյանը։

«Մենք կարծում ենք, որ ի վերջո, պետք է վերադառնանք ամենապարզ տարբերակին, որ Ադրբեջանի սահմանին հսկողություն իրականացնում են ադրբեջանցի ծառայողները, Հայաստանի սահմանին՝ հայաստանցիները», - ասաց Նիկոլ Փաշինյանը՝ մանրամասնելով, թե ինչ նկատի ուներ, երբ կառավարության նիստի ընթացքում հայտարարեց, որ Հայաստանն ու Լեռնային Ղարաբաղն Ադրբեջանին առաջարկել են ստեղծել ապառազմականացված գոտի, Ադրբեջանին փոխանցվել է նոր տարբերակ։

Վարչապետն ասաց, որ ՔՊ-ի համաժողովի ընթացքում է առաջարկել, որ եթե, այնուամենայնիվ, այդ խնդիրը չի հաղթահարվում, ապա պետք է օպերատորների պատվիրակել։

«Ասացի, որ մեր կողմից օպերատորը կարող է լինել ՌԴ սահմանապահ ծառայությունը։ Հայկական կողմն առարկություն չունի, որ Ադրբեջանի կողմից այդ օպերատորը լինի Թուրքիայի սահմանապահ ծառայությունը։ Եթե դա էլ ընդունելի չէ, ապա պետք է վերադառնալ առաջին տարբերակին և տեսնել, թե այն ինչպես կարելի է կազմակերպել»։

Փաշինյանը ևս մեկ անգամ ընդգծեց՝ եթե Ադրբեջանի համար սա իսկապես հաղորդակցության հարց է և ոչ թե էսկալացիայի առիթ գտնելու, ապա այդ հարցը գործնականում լուծված է։

«Պետք է ընդամենը առկա պայմանավորվածություններն արձանագրել և գնալ առաջ»։