Երևանում Subaru-ն վրաերթի է ենթարկել 2 քաղաքացու, ապա դիմել փախուստի
ՀԱՍԱՐԱԿՈՒԹՅՈՒՆՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Երեկ՝ նոյեմբերի 14-ին, արտակարգ դեպք է տեղի ունեցել Երևանում։ Ժամը 23։50-ի սահմաններում, դեռևս չպարզված անձը, իր վարած Subaru մակնիշի ավտոմեքենայով Նոր Նորք վարչական շրջանի Մոլդովական փողոցի 37/19 հասցեի դիմաց վրաերթի է ենթարկել հետիոտներ՝ Վայոց Ձորի մարզի բնակիչ Մուրադ Ս․-ին և Երևանի բնակիչ 55-ամյա Լեռնիկ Բ․-ին։
Ինչպես դեպքի վայրից հայտնում Shamshyan.com-ը, վարորդն այնուհետև վրաերթի ենթարկվածներին թողնելով դեպքի վայրում, ավտոմեքենայով հեռացել է ու բախվել Մոլդովական փողոցի թիվ 37/55 սեփական տան երկաթյա դարպասին։
Վրաերթի ենթարկվածները մարմնական վնասվածքներով տեղափոխվել են հիվանդանոց, իսկ վարորդը ավտոմեքենան թողնելով դեպքի վայրում, հեռացել է։
Հրշեջ-փրկարարները հոսանքազրկել են ավտոմեքենան, բացել վնասված երկաթե դարպասի դուռը։ Վրաերթի վայրում պարեկները հայտնաբերել են արնանման հետքեր, կոշիկներ, ոսկյա թնկարժեք ժամացույց, ինչպես նաև կոտրված տուաներ։
Վրաերթի փաստով քննչական բաժնում նախաձեռնվել է վարույթ։ Պարեկային ծառայությունն ու քննչական բաժինը պարզում են ավտոմեքենայի սեփականատիրոջ և վարորդի ինքնությունը։ Ավտոմեքենան քննիչի հանձարարականով՝ տեղափոխվել է Պարեկային ծառայության Երևանի գնդի պահպանվող հատուկ տարածք։