Մբապեն արձագանքել է Ռոնալդուի երազանքի մասին գրառմանը
ՍՊՈՐՏԴարձի՛ր GG-ի գործընկերը և վաստակիր մինչև 1.000.000 դրամ
Պարզապես անցիր ԱՅՍ հղումով և լրացրու օնլայն հայտը՝ https://bit.ly/ggPartners_past_am
Ֆրանսիայի հավաքականի հարձակվող Կիլիան Մբապեն աջակցել է Պորտուգալիայի հավաքականի ավագ Կրիշտիանու Ռոնալդուին:
Ռոնալդուն երեկ սոցցանցերից մեկում հրապարակել է Կատարում ընթացող Աշխարհի առաջնության 1/4 եզրափակչում Մարոկկոյի ազգային հավաքականից կրած պարտությունից հետո (0:1) առաջին գրառումը։
Կրիշտիանուն խոստովանել է, որ Աշխարհի առաջնությունում հաղթելն իր կարիերայի ամենամեծ երազանքն էր։
Մբապեն մեկնաբանությունների մեջ հաղորդագրություն է թողել՝ տեղադրելով թագ և այծի էմոջի: Անգլերենում այծը գրվում է goat: GOAT հապավումը նշանակում է «Բոլոր ժամանակների մեծագույնը»:
Հիշեցնենք, որ Աշխարհի գործող չեմպիոն ֆրանսիացիները ԱԱ-2022-ի կիսաեզրափակչում կխաղան մարոկացիների հետ։ Հանդիպումը կկայանա դեկտեմբերի 14-ին, մեկնարկը՝ Երևանի ժամանակով 23:00-ին: