Սա ադրբեջանցիների առաջին սխալն էր․ Վահան Բադասյան

արձի՛ր GG-ի գործընկերը և վաստակիր մինչև 1.000.000 դրամ

Պարզապես անցիր ԱՅՍ հղումով և լրացրու օնլայն հայտը՝  https://bit.ly/ggPartners_past_am

«Ադրբեջանցիները բացում են միջանցքը՝ ի վերջո բացելու են»,- «Հրապարակին» տեղեկացրեց Արցախի Հանրապետության նախագահի հատուկ հանձնարարությունների գծով ներկայացուցիչ Վահան Բադասյանը։

Բադասյանը նշում է, որ մինչև հիմա ճիշտ էին գործում՝ կարևորագույն ռազմավարական դիրքեր, տեղեկատվական արշավ և այլն, սակայն միջանցքը փակելը ադրբեջանցիների առաջին սայթաքումն էր։

«Սա իրենց առաջին քայլն էր, որ իրենք սխալվեցին։ Երբ որ իերնք փակեցին ճանապարհը՝ ես ուրախացել եմ, որ փակել են, որովհետև դա ճիշտ չի։ Որովհետև առաջին անգամ աշխարհը տեսնելու է, որ մեր և ազերիների միասին ապրելն անհնար է, որ եթե աշխարհը ստիպի, որ մենք մտնենք Ադրբեջանբի կազմ, ապա ցեղասպանություն կլինի՝ բառիս բուն իմաստով»,-ասաց Վահան Բադասյանը։

Արցախի նախագահի հատուկ հանձնարարությունների գծով ներկայացուցիչը մեր հարցին, թե ո՞ւմ շնորհիվ բացվեց Լաչինի միջանցքը, ասաց, որ երբ Ադրբեջանում տեսան միջազգային արձագանքները և զբաղված են այդ հարցերով՝ դա իր դերը խաղաց։

«Ու Ադրբեջանում տեսնելով, որ շատ երկրներ զբաղված են այդ հարցերով ու ուր որ է առաջ կգնա, որ ինչպես ասել ենք, որ առաջարկել ենք ճանաչում հանուն փրկության, արդեն կյանքի է կոչվել։ Եվ պարզ է, որ իրենք փորձելու են դա թույլ չտալ»,-ասաց Բադասյանը;

Մեր հարցին, թե նախապայմաններ եղե՞լ են միջանցքը բացելու դիմաց, ասաց․ «Նախապայման չի եղել՝ որքանով ես եմ տեղեկացված։ Իմ ու բոլորիս տեղեկություններով նման բան չկա»։

Վահան Բադասյանը շեշտեց, որ եթե երկու տարի առաջ հայ ազգը չէր ցանկանում կռվել՝ անկախ պատճառներից, իսկ հիմա մարդկանց մոտ Արցախում ապրելու և պայքարելու ցանկություն կա։

Հ․Գ․ Ստեփանակերտ-Գորիս՝ Հայաստանն ու Արցախը կապող կենսական նշանակության ճանապարհը փակած ֆեյք բնապահպան ադրբեջանցիները սկսել են վրանների ապամոնտաժման աշխատանքները։