Բնության պահպանության հարցերով ՄԱԿ-ի գագաթաժողովի բանակցողները մոտ են նոր համաձայնագրի ձեռքբերմանը

Դարձի՛ր GG-ի գործընկերը և վաստակիր մինչև 1.000.000 դրամ

Պարզապես անցիր ԱՅՍ հղումով և լրացրու օնլայն հայտը՝  https://bit.ly/ggPartners_past_am

Կիրակի օրը ՄԱԿ-ի բնության պաշտպանության գագաթաժողովում բանակցողները մոտեցել են նոր համաձայնագրի ձեռքբերմանը, որը մինչեւ 2030 թվականը կպաշտպանի ցամաքի եւ ծովի 30%-ը, մինչդեռ հարյուր միլիարդավոր դոլարներ կուղղվեն վայրի բնության եւ տեսակների պահպանմանը, հաղորդում է Reuters լրատվական գործակալությունը:

Մոնրեալում COP15 համաժողովի նախագահող Չինաստանը, հրապարակել է առաջարկվող տեքստ, որը արժանացել է բնապահպանները հիացմունքին:

Նախագիծը, որը բխում է վերջին երկու շաբաթների բանակցություններից, սահմանում է բնապահպանական նախաձեռնությունների համար տարեկան 200 միլիարդ դոլարի աջակցություն:

Այն մինչեւ 2030 թվականը հողի եւ ջրի 30%-ի պաշտպանությանն աջակցելու մասին է, ինչը նշանակալից նպատակ է՝ ոչ պաշտոնապես հայտնի որպես 30-ից 30:

Ձեռնարկություններին նույնպես կառաջարկվի գնահատել եւ բացահայտել, թե ինչպես են դրանք ազդում կենսաբազմազանության վրա, սակայն հաշվետվությունը պարտադիր չի լինի:

Մոտ 200 կառավարությունների նախարարներ մինչեւ երկուշաբթի պետք է համաձայնեցնեն 23 առաջարկվող թիրախների վերաբերյալ մանրամասները: Քաղաքականություն մշակողները հուսով են, որ համաձայնագիրը կարող է խթանել պահպանությանը, ճիշտ այնպես, ինչպես 2015 թվականին Փարիզում ստորագրված միջազգային պայմանագիրն օգնել է մոբիլիզացնել ջանքերը գլոբալ տաքացման հարցում ածխածնի արտանետումները զսպելու համար:

Ծրագիրը վերաբերում է ցամաքի, ներքին ջրերի, առափնյա եւ ծովային տարածքների առնվազն 30%-ի պաշտպանությանը։

Նախագիծը առաջարկում է տարեկան 200 միլիարդ դոլար բոլոր աղբյուրներից, ներառյալ պետական ​​եւ մասնավոր հատվածները՝ բնապահպանական նախաձեռնությունների համար:

Տեքստում նշվում է, որ մինչեւ 2030 թվականը զարգացած երկրներից տարեկան 20-ից 30 միլիարդ դոլար կվճարվի։