Վանաձորում բախվել են Mercedes-ը, Nissan-ն ու Opel Astra-ն․ կան վիրավորներ
ՀԱՍԱՐԱԿՈՒԹՅՈՒՆԴարձի՛ր GG-ի գործընկերը և վաստակիր մինչև 1.000.000 դրամ
Պարզապես անցիր ԱՅՍ հղումով և լրացրու օնլայն հայտը՝ https://bit.ly/ggPartners_past_am
Այսօր՝ դեկտեմբերի 19-ին, խոշոր ավտովթար է տեղի ունեցել Լոռու մարզում։ Ժամը 08։10-ի սահմաններում Վանաձոր քաղաքի Նարեկացի փողոցի թիվ 62 հասցեի մոտ գործող «Մանուկ» կոչվող կաթնամթերքի գործարանի հարևանությամբ բախվել են Mercedes, Nissan և Opel Astra մակնիշի ավտոմեքենաները։
Ինչպես հայտնում է Shamshyan.com-ը, վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են «Վանաձոր» բժշկական կենտրոն։ Վիրավորներին առաջինն օգնության են հասել քաղաքացիներն ու օպերատիվորեն ժամանած Արտակարգ իրավիճակների նախարարության Փարկարար ծառայության Վանաձորի թիվ 36 հրշեջ-փրկարարական ջոկատի հրշեջ-փրկարարները։ Օպերատիվ են գործել նաև Վանաձորի հիվանդանոցի բժիշկների հերթապահ խումբը, ովքեր շտապօգնության ավտոմեքենաներին փրկարաների կողմից մոտեցրած վիրավորներին, մինչև հիվանդանոց տեղափոխելը, տեղում առաջին բուժօգնությունն են ցուցաբերել։ Այնուհետև փրկարարները հոսանքազրկել են ավտոմեքենաները, փակել գազաբալոնների փականները։
Վթարի փաստով քննչական բաժնում նախաձեռնվել է վարույթ։ Ոստիկանությունն ու քննչական վարչությունը պարզում են վարորդների և վիրավորների ինքնությունը։ Գ․ Շամշյանի տեղեկություններով՝ հիվանդանոց տեղափոխվածներն են՝ 24-ամյա Նորայր Սարգսյանը, 65-ամյա Սեյրան Մալաքյանը, 25-ամյա Էրիկ Մազմանյանը և 23-ամյա Հայկ Թորոսյանը։
Քննիչի հանձնարարականով՝ ավտոմեքենաները տեղափոխվում են Պարեկային ծառայության Լոռու գումարտակի պահպանվող հատուկ տարածք։