Բաղադրիչներ
ձուկ – 2 հատ (իշխան)
գազար – 1 հատ
սոխ – 1 գլուխ
լոլիկ – 1 հատ
սխտոր – 2 պճեղ
գինի սպիտակ – 50 մլ
ջուր – 100 մլ
գինի կարմիր – 50 մլ
կարագ – 60 գր
դափնու տերև (лавровый лист) – 2 հատ
մեխակ – 1 հատ
աղ
պղպեղ սև
Պատրաստման եղանակ
- Գազարը մաքրում ենք և կիսաշրձանաձև կտրատում։ Սոխը նույնպես կիսաշրջանաձև կտրատում ենք։ Լոլիկի վրա եռման ջուր ենք լցնում, կեղևն ու սերմերը(պարտադիր չէ սերմերը հանել) հանում և ոչ մեծ խորանարդիկների բաժանում։ Սխտորը ճզմում ենք։
Իշխանը լվանում ենք և մաքրում։
- Բանջարեղենը, դափնու տերևը, մեխակը աղով և պղպեղով համեմում ենք կաթսայի մեջ դնում։ Վրան լցնում ենք ջուրը, կարմիր գինին և սպիտակ գինին։ Հասցնում ենք եռման աստիճանի, որից հետո կրակի տակը իջեցնում ենք և 5 րոպե եփում։ Այնուհետև իշխանը միացնում ենք բանջարեղենին և արգանակին, 10 րոպե եփում ենք և շրջում մյուս կողմի վրա և ևս 10 րոպե եփում։
- Ձուկը հանում ենք ջրից և տաք տեղ դնում կամ փայլաթիթեղով ծածկում։
Արգանակը քամում ենք, բայց բանջարեղենը դեն չենք գցում(տաք տեղ ենք դնում)։
- Արգանակը կրկին դնում ենք կրակին և սպասում մինչև կիսով չափ եռա։
Կրակից վերցնում ենք և անընդհատ խառնելով ավելացնում սերուցքային կարագը։
Ձուկը դնում ենք մի քիչ խոր ամանի մեջ, բանջարեղենը կողքից շարում և վրան լցնում սոուսը(արգանակը)։
- Բարի ախորժակ։
Մեծ սիրով և հաճույքով պատրաստված ախորժելի ձուկ իշխան, որը կարելի է մատուցել մեկ գավաթ գինու հետ:)
