Թուրքիան և Հայաստանը կարող են վերսկսել առևտուրը կարգավորման գործընթացի շրջանակներում

Դարձի՛ր gg-ի գործընկերը և վաստակիր մինչև 1.000.000 դրամ   
Անցիր ԱՅՍ հղումով և լրացրու օնլայն հայտը՝ https://bit.ly/ggPartner_past-am

Թուրքիան և Հայաստանը կարող են քննարկել հարաբերությունների կարգավորման գործընթացի շրջանակներում երկու երկրների միջև առևտրի վերականգնման հարցերը։ Այս մասին շաբաթ օրը հայտնել է Anadolu գործակալությունը՝ վկայակոչելով դիվանագիտական ​​աղբյուրներին։

Առեւտրի վերսկսման հարցը կարող է քննարկվել Թուրքիայի եւ Հայաստանի հատուկ ներկայացուցիչների կողմից բանակցությունների նոր փուլի ժամանակ, որը կլինի հինգերորդը։ Դրանք կանցկացվեն Թուրքիայում կամ Հայաստանում, ժամկետները դեռ հայտնի չեն։ Եթե ​​հարցը դրականորեն լուծվի, երկու երկրների միջև բեռնափոխադրումների ծավալը, որը ժամանակին կազմում էր մոտ 160 հազար տոննա, կարող է բազմապատիկ աճել, նշում է գործակալությունը։

2022 թվականի հուլիսի 1-ին Վիեննայում կայացած բանակցությունների վերջին փուլի արդյունքներով որոշվել է վերացնել Հայաստանից Թուրքիա ապրանքների ուղղակի օդային փոխադրումների արգելքը։ Այն գործում է ընթացիկ տարվա հունվարի 1-ից։ Մոտ ապագայում ակնկալվում է, որ երրորդ երկրների քաղաքացիների համար Թուրքիայի և Հայաստանի սահմանը հատելու արգելքը կարող է հանվել։

Թուրքական դիվանագիտական ​​աղբյուրները նշում են, որ երկու երկրների հատուկ ներկայացուցիչների բանակցությունների չորրորդ փուլից հետո երկու հանդիպում է կայացել Թուրքիայի և Հայաստանի պրոֆիլային կառույցների ներկայացուցիչների մասնակցությամբ։ Դրանցից մեկը տեղի է ունեցել սահմանային գոտում, իսկ երկրորդը՝ թուրքական Ալիջան անցակետում։