Շվեդիան և Ֆինլանդիան պետք է Թուրքիա արտաքսեն կամ արտահանձնեն մինչև 130 «ահաբեկիչների». Էրդողան

Դարձի՛ր gg-ի գործընկերը և վաստակիր մինչև 1.000.000 դրամ   
Անցիր ԱՅՍ հղումով և լրացրու օնլայն հայտը՝ https://bit.ly/ggPartner_past-am

Շվեդիան եւ Ֆինլանդիան պետք է Թուրքիա արտաքսեն կամ արտահանձնեն մինչեւ 130 «ահաբեկիչների», նախքան թուրքական խորհրդարանը կհաստատի ՆԱՏՕ-ին անդամակցելու նրանց դիմումները, հայտարարել է նախագահ Թայիփ Էրդողանը, փոխանցում է Reuters-ը։

Շվեդիան ուզում է հասնել ՆԱՏՕ-ին անդամակցության Թուրքիայի հաստատմանը։ Անկարան հայտարարել է, որ Շվեդիան պետք է ավելի հստակ դիրքորոշում ընդունի նրանց դեմ, ում ինքը «ահաբեկիչներ» է համարում, դրանք հիմնականում քրդերն են եւ իսլամական կրոնական քարոզիչ Ֆեթուլլահ Գյուլենի կողմնակիցները, որոնց թուրքական իշխանությունները մեղադրում են 2016 թվականին պետական հեղաշրջման փորձի մեջ։

«Մենք ասել ենք, որ եթե դուք մեզ չհանձնեք ձեր ահաբեկիչներին, մենք չենք կարող (ՆԱՏՕ-ի հայտի հաստատում) կատարել խորհրդարանում»,- ասել է Էրդողանը` նկատի ունենալով անցյալ նոյեմբերին Շվեդիայի վարչապետ Ուլֆ Քրիստերսոնի հետ իր համատեղ ասուլիսը։

«Որպեսզի դա անցնի խորհրդարանով, նախեւառաջ դուք պետք է մեզ փոխանցեք ավելի քան 100, մոտ 130 այդպիսի ահաբեկիչների»,- ասել է Էրդողանը։

Շվեդիան եւ Ֆինլանդիան Թուրքիայի հետ եռակողմ համաձայնագիր են ստորագրել 2022 թվականի հունիսին, որի նպատակը թուրքական առարկությունների հաղթահարումն է։

Այս համաձայնագրի շրջանակներում երկու սկանդինավյան երկրները պարտավորվել են անհապաղ եւ ուշադրությամբ քննարկել «ահաբեկչության մեջ կասկածվողներին արտաքսելու կամ արտահանձնելու Թուրքիայի հայցերը»:

Էրդողանի մամուլի քարտուղար Իբրահիմ Քալինն ասել է, որ մինչեւ մայիսին սպասվող նախագահական եւ խորհրդարանական ընտրությունները հայտերը վավերացնելու համար Թուրքիայի խորհրդարանին քիչ ժամանակ է մնացել։

Երկուշաբթի Քրիստերսոնն ասել է, որ իր երկիրը «լավ դիրքում» է, որպեսզի հասնի ՆԱՏՕ-ին անդամակցության իր հայտի վավերացմանը Թուրքիայի կողմից։