ՊԱՏՄՈՒԹՅԱՆ ԱՅՍ ՕՐԸ (16 ՄԱՐՏԻ). Հայաստանում հայտարարվել է արտակարգ դրություն․ «Փաստ»

«Փաստ» օրաթերթը գրում է

ՀԱՅ-ՀԱՅԱՍՏԱՆ

1845 -ծնվել է բանասեր Նորայր Բյուզանդացին:

1906 - ծնվել է հայազգի պարուհի, երգչուհի, բալետմայստեր, ԽՍՀՄ ժողովրդական արտիստուհի, Ուզբեկստանի երաժշտադրամատիկական թատրոնի բալետային ստուդիայի հիմնադիր Թամարա Պետրոսյանը (Թամարա Խանում):

1913 -ծնվել է բանասեր Էդուարդ Աղայանը:

1921 - Մոսկվայում կնքվել է ռուս-թուրքական պայմանագիր, որով Հայաստանը բաժանվել է քեմալական Թուրքիայի և բոլ շևիկյան Ռուսաստանի միջև:

1936 - ծնվել է ամերիկահայ գյուտարար Ռեյմոնդ Վահան Դամադյանը։

1988- «Խորհրդային Ղարաբաղ» թերթում լույս է տեսել Ղարաբաղյան շարժման ընդհատակի երեք անդամների բաց նամակը: Այդ օրը Ղարաբաղյան շարժումը դուրս է եկել ընդհատակից:

1995- Հայաստանը և Ռուսաստանը պայմանագիր են կնքել ռուսական զորքերի՝ Հայաստանում մնալու մասին։

1998- Հայաստանում տեղի է ունեցել նախագահական ընտրությունների առաջին փուլը, որի արդյունքներով առաջատար է եղել Ռոբերտ Քոչարյանը:

2002-Էջմիածնում բացվել է Հայաստանի ազգային ականազերծման կենտրոնը, որը ստեղծվել է ԱՄՆ-ի աջակցությամբ՝ այդ երկրի պետքարտուղարության, Պենտագոնի և Հայաստանի Հանրապետության պաշտպանության նախարարության համագործակցության արդյունքում:

2020-կապված կորոնավիրուսային համաճարակի հետ՝ Հայաստանում արտակարգ դրություն է հայտարարվել:

2021-ՀՀ առաջին նախագահ Լևոն ՏերՊետրոսյանը ներքաղաքական իրավիճակի մասին հայտարարություն է արել։ Ըստ նրա, ստեղծված իրավիճակից միակ ելքը Նիկոլ Փաշինյանի հրաժարականն է։

ԱՇԽԱՐՀ

37 - Կալիգուլան դարձել է Հռոմի կայսր՝ հաջորդելով Տիբերիոսին։

870 -Բուլղարիայում հաստատվել է ուղղափառ եկեղեցին և հոգևորական աստիճանակարգումը:

1521 - պորտուգալացի ծովագնաց Ֆեռնան Մագելանը հասել է Ֆիլիպիններ։

1660 -Անգլիայի Երկար խորհրդարանը ցրվել է 20 տարվա նիստերից հետո:

1736 -վախճանվել է իտալացի կոմպոզիտոր Ջովաննի Բատիստա Պերգոլեզին:

1789 - ծնվել է գերմանացի ֆիզիկոս Գեորգ Օհմը, որի պատվին է կոչվում էլեկտրական դիմադրության չափման միավորը:

1831 -Փարիզում լույս է տեսել Վիկտոր Հյուգոյի «Փարիզի Աստվածամոր տաճարը» գիրքը:

1851 -ծնվել է հոլանդացի մանրէաբան և կենսաբան Մարտին Բեյերնիկը՝ էկոլոգիական մանրէաբանության և վիրուսաբանության հիմնադիրը:

1859 - ծնվել է ռուս գիտնական, ֆիզիկոս, ռադիոյի գյուտարար Ալեքսանդր Պոպովը:

1915 -Պետերբուրգում ոստիկանությունը փակել է բանաստեղծների և դերասանների հանրահայտ «Թափառական շուն» ակումբը:

1917- «Maybelline» ընկերությունը արտադրել է աշխարհում առաջին թարթիչների ներկը:

1926 -ամերիկացի նախագծող Ռոբերտ Գոդդարդը հաջողությամբ փորձարկել է իր ստեղծած հեղուկ վառելիքով աշխատող առաջին հրթիռը:

1920 -ծնվել է իտալացի բանաստեղծ, գրող և սցենարիստ Տոնինո Գուերրան:

1935 - Գերմանիայում կազմավորվել է Վերմախտը` ֆաշիստական Գերմանիայի բանակը։

1936 - Գորկու ավտոմոբիլային գործարանի հոսքագծից դուրս է եկել առաջին խորհրդային մարդատար ավտոմեքենան՝ «М-1» մոդելի լիմուզինը:

1945-Երկրորդ համաշխարհային պատերազմի ժամանակ Մեծ Բրիտանիայի ռազմաօդային ուժերը ընդամենը 18 րոպեի ընթացքում ոչնչացրել են «հարյուր եկեղեցիների քաղաք» Վյուցբուրգի 90 տոկոսըը, զոհվել է մոտ 5000 մարդ:

1963 -Բալիում ժայթքել է հրաբուխ, որի արդյունքում զոհվել է մոտ 1700 մարդ:

1968 - Վիետնամի պատերազմի ժամանակ ամերիկացի զինվորները Սոնգմի նահանգի Միլաի գյուղակում սպանել են մոտ 350 վիետնամցի խաղաղ բնակիչների։ - «Ջեներալ Մոթորս» ընկերությունն արտադրել է իր 100 միլիոներորդ ավտոմեքենան:

1988 - Իրանա-իրաքյան պատերազմի ժամանակ Իրաքի ռազմաօդային ուժերը քիմիական գրոհ են իրականացրել Հալաբջա քաղաքի վրա, որի արդյունքում զոհվել են հազարավոր քրդեր:

2004 -Ռուսաստանի Արխանգելսկ քաղաքում պայթեցվել է շենք, որի արդյունքում զոհվել է 58 բնակիչ:

2014 -տեղի է ունեցել համաղրիմյան հանրաքվե, որի արդյունքով Ղրիմը մտել է Ռուսաստանի կազմ:

2022 -Ռուսաստանի՝ ուկրաինական «հատուկ գործողության» պատճառով դադարեցվել է Ռուսաստանի անդամակցությունը Եվրախորհրդին:

Մանրամասները՝ «Փաստ» օրաթերթի այսօրվա համարում