Ամերիկացիների երկու երրորդը համաձայն Է զենքի շրջանառության սահմանափակմանը

 Ամերիկացիների երկու երրորդը պաշտպանում Է զենքի շրջանառության սահմանափակման միջոցառումները, որոնք առաջարկվել են ԱՄՆ-ի նախագահ Բարաք Օբամայի կողմից: Այդ մասին, վկայում են հասարակական կարծիքի հարցման՝ հունվարի 7-ին հրապարակված արդյունքները, հարցում, որն անցկացրել են CNN-ը եւ ORC ընկերությունը:

Օբաման այս շաբաթ կարգադրել Է ստուգել զենքի բոլոր գնողներին, ներառյալ նրանց, ովքեր զենք են գնում Համացանցում եւ ցուցահանդեսներում: Նախագահն առաջադրել Է նաեւ մի շարք այլ նախաձեռնություններ, ներառյալ «խելացի» զենքի մշակումը, որը միայն օրինական տիրոջ ձեռքում Է կրակում: 

Հարցման տվյալներով՝ ամերիկացիների 67 տոկոսը համաձայն Է նախագահի կողմից առաջարկված փոփոխություններին, 32 տոկոսը դեմ Է հանդես գալիս: Ընդ որում նախքան Օբամայի հայտարարությունը, դեկտեմբերյան հարցման համաձայն,   համանման միջոցառումները պաշտպանում Էր հարցվածների 89 տոկոսը:

Ներկայիս հարցման տասը մասնակիցներից վեցը, այդ թվում՝ զենք ունեցողների 75 տոկոսը, կարծում են, որ առաջարկված միջոցառումները չեն օգնի նվազեցնել զենքի օգտագործմամբ բռնությունների զոհերի թիվը: Օբամայի առաջարկած միջոցառումների կողմնակիցների շրջանում անգամ դրանց արդյունավետությանը հավատում Է միայն 57 տոկոսը:

Դրա հետ մեկտեղ հարցվածների կեսից ավելին համաձայն չԷ Օբամայի ռազմավարությանը, որը փորձում Է վերափոխումներն անցկացնել իր հրամանագրերով՝ շրջանցելով Կոնգրեսը: Այսպես, մասնակիցների 54 տոկոսը հանդես Է գալիս հրամանագրերի դեմ այն դեպքում, երբ 44 տոկոսը պաշտպանում են դրանք, հաղորդել Է ՌԻԱ Նովոստին: