Բանդիվանում շմոլ գազից թունավորմամբ հոսպիտալացվել է 10 մարդ

ՀԱՍԱՐԱԿՈՒԹՅՈՒՆ 8 Հունվար, 2016 16:57

Շիրակի մարզի Բանդիվան համայնքում գրանցվել է շմոլ գազից թունավորման դեպք: Հոսպիտալացվել է 10 քաղաքացի. 5 մեծահասակ և 5 երեխա: Բոլոր հիվանդների վիճակը բավարար է: Ինչպես տեղեկացրին «Գյումրի» բժշկական կենտրոնի հասարակայնության հետ կապերի եւ լրատվության բաժնից, 2016 թվականի հունվարի 8-ին՝ ժամը 14:30- ին «Գյումրի բժշկական կենտրոն» են ընդունվել շմոլ գազից թունավորված քաղաքացիներ« որոնց մոտ ախտորոշվել է էկզոգեն թունավորում: Քաղաքացիներին ցուցաբերվել է համապատասխան բուժօգնություն: Տուժածների առողջական վիճակը այս պահին համարվում է կայուն: «Թունավորումը կարելի է գնահատել թեթև աստիճանի: Բոլորը ներկա պահին ստանում են ամբուլատոր բուժում և վիճակները լավանալուն պես նրանք կգնան տուն, հոսպիտալացման կարիք չի զգացվում»,-նշեց կենտրոնի վերակենդանացման բաժանմունքի վարիչ Արմեն Խաչատրյանը:

Գյումրու «Ավստրիական մոր և մանկան հիվանդանոց» տեղափոխված 5 երեխաների վիճակը ևս կայուն է: Այս մասին փաստեց հիվանդանոցի վերակենդանացման բաժանմունքի վարիչ Արշիկ Դարիբալթյանը: «Ժամը 15:00-ին Շիրակի մարզի Բանդիվան գյուղից շտապ բուժօգնության միջոցով հիվանդանոց տեղափոխված 5 երեխաների վիճակը, հիվանդանոց ընդունվելու պահին, եղել է բավար, ունեցել են գիտակցություն, բայց նկատվել է թուլություն, սրտխառնոց գլխապտույտ, որովային ցավ: Հիմա երեխաները հոսպիտալացված են: Մի քանի ժամ պահելուց հետո, եթե վիճակները կայունացավ, երեխաներին կուղարկեն ք տուն»,-նշեց Արշիկ Դարիբալթյանը:

Ըստ նախնական տեղեկության շմոլ գազի արտահոքը եղել է ջեռուցման համակարգից: Հոսպիտալացված հիվանդները հավաքվել էին Մանուկյանների տանը, որտեղ բանակի քեֆ ու մատաղի արարողություն էր: