Բուլլռայդինգ. ի՞նչ է դա՝ խելագարությո՞ւն, թե՞ կիրք․ «Փաստ»

«Փաստ» օրաթերթը գրում է

Ամեն ինչ սկսվել է 19-րդ դարի սկզբին՝ քեռի Սեմի հայրենիքում։ Կովբոյները հավաքվում էին, այսպես կոչված, շրջանակում՝ հրապարակում, իրենց լասսոյին տիրապետելու ու ցլերի և վայրի ձիերի հետ վարվելու վարպետությունը ծանոթներին ու ընկերներին ցույց տալու համար։ Որպես հանդիսատես՝ մեծ բազմություն էր հավաքվում այդ ամենը դիտելու համար: Տեսարանը հիպնոսացնող էր։ Կովբոյը հեծնելով փորձում էր թամբել վայրի ցուլին կամ լասսոն գցել նրա վզին։ Որոշ ժամանակ անց տղամարդու և անզուսպ գազանի այդ պայքարը վերածվեց սպորտային շոուի՝ ռոդեոյի։ Ռոդեոն անհավանական սպորտաձև է։ Այն ներառում է բազմաթիվ հնարքներ՝ ռոուլինգ - ցուլին բռնել և կապել, բուլլռայդինգ - կատաղի ցլի վրա մնալու ունակություն, ստիր-ռեսլինգ - մերկ ձեռքերով բռնել երիտասարդ ցուլին և այլն:

Պարզապես պատկերացրեք. 70-80 կգ միջին քաշ ունեցող տղամարդը փորձում է նստած մնալ 500 կգ-անոց վայրի կենդանու մեջքին։ Նպատակն է առնվազն 8 վայրկյան մնալ գազանի մեջքին: Ցավոք սրտի, եղել են նաև մահվան դեպքեր, այդ մարզաձևում առանց դրա անհնար է, ինչ-որ բան միշտ կարող է սխալ լինել: Ընդ որում, հեծյալները կրում էին ընդամենը գլխարկ, կոշիկներ, ջինս և վերնաշապիկ։ Բուլլռայդինգը աշխարհի 10 ամենավտանգավոր սպորտաձևերից մեկն է: Բիլ Փիքեթը ամերիկացի կովբոյ է, որը բուլլռայդինգի ստեղծողն է դարձել: Նա ծնվել է Տեխասում 1870 թվականին նախկին մուլատ ստրուկի մեծ ընտանիքում: Մանկուց աշխատել է ֆերմայում։ Նա հիանալի է ձիավարել և լասսո նետել։ Նա իր շուրջն է հավաքել մարդկանց բազմություն, ձի հեծնել, նետվել ցլի մեջքին, բռնել նրա եղջյուրներից և փորձել տապալել։

Այդ ամենի գագաթնակետը համարվում է Մեխիկոյում հսկայական ցլի հետ մենամարտը: Բիլը ծնվել էր բնության անսանձ ուժերի դեմ պայքարելու համար, բայց, ցավոք, դրանից էլ մահացել է. 1932 թվականին կատաղած ցուլը, որին փորձում էր հեծնել, հարվածել է նրա գլխին: Կենդանիները հաճախ վրեժխնդիր էին լինում իրենց տանջողներից։ Ներկայում ամբողջ աշխարհում էլ կան մարդիկ, ովքեր ցլամարտի, ռոդեոյի ու դրա հետ կապված ամեն ինչի սիրահարներ են։ Անգամ դրանց բազմաթիվ դպրոցներ կան։ Ընդ որում, հիմա ցանկացած մարդ իրեն կարող է կովբոյ զգալ՝ բուլլռայդինգի սիմուլ յատորի վրա նստած մնալու փորձեր անելով: Շատերը վստահ են, որ բուլլռայդինգը բացառապես տղամարդկանց սպորտաձև է, բայց դա ամբողջովին ճիշտ չէ:

Դրանով արդեն նաև մարդկության գեղեցիկ կեսն է զբաղվում: Չնայած այն հանգամանքին, որ կանանց և աղջիկների մեծամասնությանը առանձնապես չի գրավում ռոդեոյի հանդեպ խելագար կիրքը, կան բացառություններ, օրինակ՝ ռեժիսոր Փոլ Ռեյսինգի «Ռոդեո աղջիկը» ֆիլմում։ Բուլլռայդինգը էքստրեմալ սպորտաձև է։ Ներկայում այդ սպորտաձևը կարելի է դիտել՝ այցելելով Տեխասում ապրող անվախ կովբոյների ռանչո կամ իսպանական փառատոն, որտեղ, հանուն հանրության զվարճանքի, ցլամարտիկները խաղում են մահվան հետ:

Մանրամասները՝ «Փաստ» օրաթերթի այսօրվա համարում