ՊԱՏՄՈՒԹՅԱՆ ԱՅՍ ՕՐԸ (4 ՄԱՅԻՍԻ). Առաջին ծալովի անձրևանոցը, առաջին ֆոնոգրաֆը, առաջին կին վարչապետը. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՏԱԿԻ ՕՐԵՐ

Զամբիա՝ Աշխատանքի օր, Չինաստան՝ Երիտասարդության օր, Լատվիա՝ Անկախության վերականգնման օր, Նիդերլանդներ՝ Հիշատակի օր, Ճապոնիա՝ Կանաչ բնության օր։

ՀԱՅ - ՀԱՅԱՍՏԱՆ

1934 - ծնվել է հայ խորհրդային արվեստաբան - նկարիչ Եղիշե Մարտիկյանը։

1913 - Երևանում սկսել է գործել հեռախոսային ցանցը։

1933 - վախճանվել է կոմպոզիտոր, խմբավար Սպիրիդոն Մելիքյանը։

1940 - ծնվել է խեցեգործ - ձևավորող Վլադիմիր Աթանյանը։

1975 - ծնվել է ամերիկահայ ռոք - երաժիշտ, դիջեյ Էնդի Խաչատրյանը։

2005 - տեղի է ունեցել «Փողերի լվացման և ահաբեկչության ֆինանսավորման դեմ պայքարի գործուն համակարգի ներդրումն ու կայացումը ՀՀ - ում» թեմայով միջազգային համաժողով:

2007 - Ախալքալակի ռազմակայանի՝ գույքով բեռնված շարասյունը հատել է վրաց - հայկական սահմանը և օրվա երկրորդ կեսին հասել Գյումրի:

2011 - մի քանի ժամ շարունակված թեժ քննարկումներից հետո Ֆրանսիայի Սենատն, ըստ էության, մերժել է Հայոց ցեղասպանությունը ժխտելու համար պատիժ սահմանող օրինագիծը։

2012 - Երևանի Հանրապետության հրապարակում, որտեղ նախատեսված էր ՀՀԿ - ի եզրափակիչ հանրահավաքը, տեղի է ունեցել արտակարգ պատահար։ Հանրահավաքին նախորդած համերգի ընթացքում բռնկվել են հանրահավաքին մասնակցող երիտասարդների ձեռքերին գտնվող գազով լեցուն հարյուրավոր փուչիկները։ Եղել են բազմաթիվ տուժածներ։

2015 - Վաշինգտոնում ստորագրվել է Հայաստանի և Միացյալ Նահանգների կառավարությունների միջև տարիներ շարունակ բանակցված «Առևտրի և ներդրումների մասին» համաձայնագիրը:

2020 - Հայաստանում տեղաշարժի թերթիկի անհրաժեշտությունը հանվել է, բազմաթիվ ոլորտների գործունեությունը թույլատրվել է, սակայն որոշ սահմանափակումներ դեռ մնացել են:

ԱՇԽԱՐՀ

1655 - ծնվել է իտալացի երաժշտական գործիքների վարպետ, դաշնամուրը ստեղծող Բարտոլոմեո Քրիստաֆորին։

1715 - Փարիզում արտադրվել է առաջին ծալովի անձրևանոցը։

1772 - ծնվել է գերմանացի հրատարակիչ, առաջին հանրագիտարանը ստեղծող Ֆրիդրիխ Առնոլդ Բրոկհաուզը։

1776 - հայտարարվել է Ռոդ - Այլենդ կղզու անկախությունը, որը ներկայում ԱՄՆ - ի նահանգ է։

1807 - Պարսկաստանի և Ֆրանսիայի միջև կնքվել է Ֆինկենշտեյնյան պայմանագիրը։

1838 - մշակույթի գործիչները Տարաս Շևչենկոյին հետ են գնել ճորտությունից։

1848 - բացվել է Ֆրանսիայի Սահմանադիր ժողովը։

1878 - օպերային թատրոնում Թոմաս Ալվա Էդիսոնը առաջին անգամ մասսայական ցուցադրել է իր հայտնագործությունը՝ ֆոնոգրաֆը։

1899 - ծնվել է գերմանացի գործարար և գյուտարար, հրթիռատեխնիկայի պիոներ Ֆրից ֆոն Օպելը։

1904 - սկսվել է Պանամայի ջրանցքի կառուցումը։ - Անգլիայում Հենրի Ռոյսը և Չարլզ Ռոլլսը սկսել են «Ռոլլս - Ռոյս» ավտոմեքենաների արտադրությունը։

1927 - ԱՄՆ - ում ստեղծվել է Կինոմշակույթի ակադեմիան, որը շուտով սահմանել է «Օսկար» կինոմրցանակը։

1928 - ծնվել է եգիպտացի ռազմական և քաղաքական գործիչ, Եգիպտոսի նախագահ Հոսնի Մուբարաքը։

1966 - Թուրինում իտալական «Ֆիատ» ընկերությունը համաձայնագիր է ստորագրել ԽՍՀՄ - ի Տոլ յատի քաղաքում մարդատար ավտոմեքենաներ արտադրելու վերաբերյալ։

1970 - ամերիկյան Կենտ քաղաքի համալսարանում Ազգային գվարդիան կրակ է բացել ուսանողական ցույցի մասնակիցների ուղղությամբ, որոնք բողոքել են ԱՄՆ - ի բանակի՝ Կամբոջա ներխուժման դեմ. զոհվել է 4 ուսանող։

1979 - առաջին անգամ Մեծ Բրիտանիայի վարչապետ է դարձել կին՝ Մարգարետ Թետչերը։

1980 - վախճանվել է հարավսլավ քաղաքական գործիչ, երկրի նախկին նախագահ Իոսիպ Բրոզ Տիտոն։

1995 - Էկվադորում պատահած ավիավթարի հետևանքով մահացել է Արգենտինայի ամենախոշոր նավթային ընկերության նախագահ Խոսե Էստենսսորոն։

2000 - առաջին անգամ հայտնվել է «I love you» համակարգչային վիրուսը։

2008 - վախճանվել է նորզելանդացի դեղագործ, մեկանգամյա օգտագործման ներարկիչի գյուտարար Կոլին Մյորդոկը։

Մանրամասները՝ «Փաստ» օրաթերթի այսօրվա համարում