Այսպիսի իրավիճակների լուծումը չի կարող ընթանալ առանց ինչ-որ կոպտությունների և խնդիրների․ Գալուզինը՝ հայ–ադրբեջանական հարաբերությունների կարգավորման գործընթացի մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՌԴ փոխարտգործնախարար Միխայիլ Գալուզինն անդրադարձել է հայ-ադրբեջանական հարաբերությունների կարգավորման գործընթացին։

«Խոսքն այն մասին է, որ երկխոսության միջոցով առաջ շարժվենք չորս հիմնական ուղղություններով՝ տարածաշրջանում տրանսպորտային և տնտեսական կապերի ապաշրջափակում, Հայաստանի և Ադրբեջանի միջև խաղաղության պայմանագրի կնքման նպատակով երկխոսություն, երկու երկրների միջև սահմանի դելիմիտացիա և հասարակական և խորհրդարանական գծերով կապերի հաստատում, առանց որոնց դժվար է խոսել երկկողմ հարաբերությունների լիարժեք կարգավորման մասին»,– ասել է նա՝ հավելելով,– «Կարգավորման հիմնական տարրերը, այն է՝ հրադադարը և հայ-ադրբեջանական կարգավորման շարժման առանցքային ուղղությունների ձևակերպումը, այս բոլոր սկզբունքները ձևակերպվել են և սկսել են իրագործվել բացառապես Ռուսաստանի և նրա նախագահի միջնորդական առաքելության շնորհիվ։ Սա ինքնին արդեն լուրջ ձեռքբերում է»։

Ըստ փոխնախարարի, ՌԴ–ն այս տարիներին չորս ուղղություններով փորձել է կոնկրետ գործնական ջանքեր գործադրել, դրանցից յուրաքանչյուրի համար լուրջ ներուժ և հիմքեր են մշակվել հետագա առաջխաղացման համար․«Հասկանալի է, որ այնպիսի հին և զգայուն կոնֆլիկտային իրավիճակների լուծումը, ինչպիսին Լեռնային Ղարաբաղում և նրա շուրջ տեղի ունեցող իրադարձություններն են, եթե իրատեսորեն նայենք իրերին, չի կարող ընթանալ առանց ինչ-որ կոպտությունների և խնդիրների «գետնի վրա»»։