Հայաստանին և Ադրբեջանին հորդորում ենք միասին աշխատել՝ եղած տարաձայնությունները հաղթահարելու համար. Պետդեպ
ՔԱՂԱՔԱԿԱՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Պետքարտուղարության խոսնակ Մեթյու Միլերը ճեպազրույցում անդրադարձել է վերջին օրերին Ադրբեջանի կողմից Հայաստանի հետ սահմաններին հրադադարի խախտումներին՝ ընդգծելով, որ ԱՄՆ-ն շարունակում է մտահոգված լինել այս իրավիճակի առնչությամբ:
«Եվ մենք շարունակում ենք երկու կողմերին հորդորել միասին աշխատել՝եղած տարաձայնությունները հաղթահարելու համար: Ընդհանրապես, ինչպես գիտեք, մենք հավատում ենք, որ համաձայնությունը շարունակում է հասանելի լինել, և մենք անհամբեր սպասում ենք երկու կողմերին համոզելու՝ առաջ շարժվել»,- ասել է Միլերը:
Հունիսի 15-ին՝ ժամը 11:45-ին, Ադրբեջանի ԶՈՒ ստորաբաժանումները կրակ են բացել Տեղի հատվածում տեղակայված հայկական դիրքերի ուղղությամբ՝ կիրառելով նաև ականանետ:
ՀՀ ԱԱԾ սահմանապահ ծառայությունն իր հերթին հայտնել էր, որ հունիսի 15-ին՝ ժամը 08:40-ի սահմաններում, Ադրբեջանի սահմանապահ ծառայության մի խումբ զինծառայողներ Հակարիի կամրջի ուղղությամբ առաջխաղացման փորձ են կատարել՝ ՀՀ տարածքում դրոշ տեղադրելու նպատակով:
Հունիսի 14-ին Ադրբեջանը կրակ էր բացել Երասխի ուղղությամբ: