«Ամերիկացիները չեն հանդուրժի Մոսկվայի միջամտությունը». «Փաստ»

«Փաստ» օրաթերթը գրում է

rossaprimavera.ru–ն «Կարծիք. Վաշինգտոնն արձագանքել է Կրեմլի կողմից Ղարաբաղի վերաբերյալ իր ծրագրերի բացահայտմանը» վերնագրով հոդվածում գրում է, որ Հայաստանի խորհրդարանի կողմից Հռոմի կանոնադրության վավերացումը նախաձեռնել է հանրապետության կառավարությունը՝ ի պատասխան Ադրբեջանի հետ բանակցություններ ստիպելու համար Վաշինգտոնի կողմից Արցախի իշխանությունների նկատմամբ ճնշումների մասին տեղեկատվության՝ ռուսական մամուլում լուսաբանման: Այդ մասին Telegram-ի իր ալիքում գրել է քաղաքագետ Բենիամին Մաթևոսյանը։

«Ի պատասխան ռուսական մամուլում գաղտնազերծված տեղեկության, Հայաստանի կառավարությունը որոշել է Հռոմի կանոնադրությունն ուղարկել Ազգային ժողով վավերացման», - գրել է նա։ Բացի այդ, բողոքի նոտայի ներկայացումը Հայաստանում Ռուսաստանի դեսպանին՝ կապված «Լաչինի միջանցքի մուտքի կամրջի վրա տեղի ունեցած կասկածելի միջադեպի հետ», որտեղ հայկական կողմը կրակ է բացել ադրբեջանցի զինվորականների վրա, որոնք փորձել են բարձրացնել Ադրբեջանի դրոշը Հայաստանի տարածքում, քաղաքագետը ևս համարել է լարվածության աճի օղակ։

Նրա խոսքով, դրանում ներգրավված են երկու կողմի իշխանությունները, ինչի արդյունքում Հայաստանին կարող է բաժին ընկնել Լիբիայի կամ Սիրիայի ճակատագիրը։ «Մնացել է 5, 4, 3... մինչև Հայաստանը վերածվի Սիրիայի, Լիբիայի»,- գրել է նա։ Բացատրելով Հայաստանի իշխանությունների վրդովմունքի կասկածելիությունը՝ քաղաքագետը հիշեցրել է, որ Ադրբեջանն արդեն օկուպացրել է Հայաստանի բազմաթիվ տարածքներ և դրանց վրա բարձրացրել իր դրոշները, սակայն հայկական կողմից ոչ մի կրակոց չի արձակվել։ Նրա խոսքով, ներկայում հայկական կողմից կրակոցները միայն օգնել են Ադրբեջանին մեծացնել ճնշումն Արցախի վրա, և Հայաստանի իշխանությունները չէին կարող դա չհասկանալ։

«Տեղի է ունեցել մի միջադեպ, որը Բաքվին հիմք է տվել ամբողջությամբ արգելափակել ապրանքների հոսքը միջանցքով, ինչն էլ ավելի մեծ ճնշում է գործադրում Արցախի իշխանությունների վրա, որպեսզի նրանք ընդունեն Բաքվի, Վաշինգտոնի և Փաշինյանի պայմանները և համաձայնեն հանդիպմանը Ադրբեջանի իշխանությունների հետ «Ադրբեջանի վարչատարածքային միավորի» ներկայացուցչի կարգավիճակում»,- ընդգծել է Մաթևոսյանը։ Փորձագետը համոզված է, որ իր նշած քայլերը համակարգված են Վաշինգտոնի կողմից, և դրանք շատ հստակ ազդարարում են, որ ամերիկացիները չեն հանդուրժի Մոսկվայի միջամտությունը ոչ միայն իրենց պրոտեկտորատի տակ գտնվող Բաքվի և Երևանի բանակցային գործընթացին, այլ նաև չեն հանդուրժի Կրեմլի այլ միջամտությունը։ «Արժե խոստովանել, որ Արևմուտքը գործում է շատ արդյունավետ, որակյալ և նուրբ: Եվ դա արվում է Բաքվի, Անկարայի ու Փաշինյանի հետ ձեռք ձեռքի տված»,- եզրափակել է քաղաքագետը։

Մանրամասները՝ «Փաստ» օրաթերթի այսօրվա համարում