ԵԽ. Եվրոպայի չեմպիոն Անի Հովսեփյանը պարտվեց մեկնարկում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եվրոպայի չեմպիոն Անի Հովսեփյանը պարտվեց Եվրոպական խաղերի մեկնարկային մենամարտում: Լեհաստանի Կրակով քաղաքում անցկացվող բռնցքամարտի մրցաշարում կանանց Հայաստանի հավաքականի առաջատարը 75 կգ քաշային կարգում  մրցեց Փախստականների օլիմպիական հավաքականը ներկայացնող Քինդի Ջանկե Նգամբայի հետ եւ պարտվեց 0:5 հաշվով:

Երեկոյան մրցահերթում ռինգ դուրս կգա աշխարհի փոխչեմպիոն Դավիթ Չալոյանը: +92 կգ քաշայինների մեկնարկային մենամարտում Չալոյանը ուժերը կչափի Սերբիայի ներկայացուցիչ Վլադան Բաբիչի հետ: Երկրորդ մենամարտը կանցկացնի 63,5 կգ քաշային Նարեկ Հովհաննիսյանը, որի մրցակիցը կլինի Հունգարիան ներկայացնող Ռիչարդ Կովաչը:

Կարեն Աղամալյանի գլխավորած հավաքականից առաջին մենամարտերում հաղթանակներներով են մեկնարկել Արթուր Բազեյանը, Նարեկ Հովհաննիսյանը, Գուրգեն Մադոյանը եւ Համբարձում Հակոբյանը։

Եվրոպայի փոխչեմպիոն Արթուր Բազեյանը 57 կգ քաշային կարգում 5:0 հաշվով պարտության էր մատնել Չեխիայի ներկայացուցիչ Վլադիմիր Տրակալին:

63,5 կգ քաշային Նարեկ Հովհաննիսյանը 3:2 հաշվով հաղթել էր  Իսրայելի ներկայացուցիչ Ահմադ Շտիվին:

Համբարձում Հակոբյանը 80 կգ քաշայինների պայքարում 4:1 հաշվով պարտության է մատնել Չեռնոգորիայի ներկայացուցիչ Պիտեր Մարչիչին:

71 կգ քաշային Գուրգեն Մադոյան 5:0 հաշվով հաղթել է Չեռնոգորիայի ներկայացուցիչ Ստեֆան Սավկովիչին:

Եվրոպական խաղերը օլիմպիական վարկանիշային են բռնցքամարտիկների համար։