Երկրի վրա տարածության սղության պատճառով Իսրայելի բոլոր տանիքները ծածկվելու են արևային մարտկոցներով

Rossaprimavera.ru-ն գրում է, որ Իսրայելը շուտով կպահանջի բոլոր նոր ոչ բնակելի շենքերը տանիքների վրա արևային մարտկոցներով հագեցնել վերականգնվող էներգիայի թիրախները բավարարելու և արագ աճող բնակչության էլեկտրաէներգիայի կարիքները բավարարելու նպատակով: այդ մասին հունիսի 20-ին ասել է Էներգետիկայի դեպարտամենտի կայուն էներգիայի բաժնի ղեկավար Ռոն Էյֆերը: 

Չնայած արևի լույսով հեղեղված լինելուն Իսրայելը չափազանց փոքր է ավանդական ցամաքային ինտենսիվ ֆոտոգալվանային էլեկտրակայանների վրա հույս դնելու համար: Այն նաև ոչ պիտանի է քամու էներգիայի համար և չունի ջրային հիդրոէլեկտրակայաններ կառուցելու համար ջրային պաշարներ:

Ռոն Էյֆերը ասել է, որ Իսրայելը որպես վերականգնվող աղբյուր հույսը դրել է արևի վրա, սակայն արևային ֆերմաների համար երկիրը բավարար հող չունի: Արդյունքում երկիրը հետ է մնում իր նպատակին հասնելուց, որն է մինչև 2030 թվականը վերականգնվող աղբյուրներից ստանալ էլեկտրաէներգիայի 30%-ը:

«Մենք պետք է որոշ վճռական քայլեր ձեռնարկենք», — ասել է Էյֆերը: Եվ պետական ​​բյուջեն ընդունելիս կառավարությունը կարգադրել է 180 օրվա ընթացքում սահմանել կանոնակարգեր, որոնք պահանջում են նոր ոչ բնակելի շենքերի վրա տեղադրել արևային մարտկոցներ, իսկ բնակելի շենքերի տանիքները պետք է լիովին հագեցած լինեն վահանակների հետագա տեղադրման հարմարության համար:

Տասնամյակներ առաջ երկիրը հաջողություն ունեցավ նմանատիպ նախաձեռնությամբ, երբ բնակիչներից պահանջվեց օգտագործել արևային էներգիայով աշխատող ջրատաքացուցիչներ: Այսօր այդ ջեռուցիչներն են գերակշռում քաղաքների տանիքներին, իսկ առանց դրանց Իսրայելը պետք է արտադրեր 8%-ով ավելի շատ էլեկտրաէներգիա:

Իսրայելի առևտրային արևային էլեկտրակայանների մեծ մասը կառուցվել է հարավային Նեգևում կամ հյուսիսում գտնվող հեռավոր շրջաններում՝ խոշոր քաղաքներից հեռու:

«Երկրի կենտրոն երկար տարածություններ տեղափոխելիս էլեկտրաէներգիայի կորստի խնդրից բացի, կարևոր է բաց տարածքների պահպանումը։ Դուք չեք կարող պարզապես ծածկել ամբողջ Նեգև անապատը արևային մարտկոցներով»,- ասել է Էյֆերը։

«Այսպիսով, մեզ անհրաժեշտ է վերգետնյա արևային վահանակների համադրություն, որոնք ամենաէժանն են և կարող են զանգվածաբար կառուցվել, լինեն երկակի օգտագործման, և որոնք կարող են տեղադրվել անմիջապես այն տանիքների վրա, որտեղ էլեկտրաէներգիայի պահանջարկ կա», — ավելացրել է նա:

Այս տարի բնապահպանական քարոզարշավի մասնակիցները քննադատել են վարչապետ Բենիամին Նեթանյահուի կառավարությանն  էկոլոգիապես վնասակար որոշումների համար, ներառյալ մեկանգամյա օգտագործման պլաստիկի հարկի վերացման և մաքուր օդի կարգավորումը սահմանափակելու փորձերի համար: Նրանք ողջունել են արևային էներգիայի նոր քաղաքականությունը, թեև ասել են, որ ավելի շատ գործողություններ են անհրաժեշտ:

Ադամ Թեվա Վդին բնապահպանական կազմակերպության գործադիր տնօրեն Ամիտ Բրահան ասել է, որ այդ ամենը «մեծ նորություն է, և չնայած դա դեռ մի կաթիլ է օվկիանոսում, սակայն  տանիքներին ֆոտոգալվաններ տեղադրելու խթան է»:

Նա ասել է, որ զարգացած երկրները վերականգնվող էներգիայի արտադրությունը խթանելու համար հաճախ առաջարկում են ավելի լայն տնտեսական աջակցություն, ինչպիսիք են վարկերը և կանաչ պարտատոմսերը: Իսրայելի կառավարության խրախուսումները ներառում են հարկային արտոնություններ, իսկ փոքր արտադրողներին էլեկտրաէներգիայի համար վճարվում է հավելավճար:

 

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէլերգիայի ծախսը

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]