Դա ընդամենը փորձ է արդարացնելու Հայաստանի համաձայնությունը Արցախի կործանմանը․ «Փաստ»
ՔԱՂԱՔԱԿԱՆ«Փաստ» օրաթերթը գրում է
nsn.fm–ը ««Հայաստանի մասնատումը». Փաշինյանը ԼՂ հարցում «ձեռքերը լվանում» է» վերնագրով հոդվածում գրում է, որ Հայաստանը պաշտոնապես «լվանում է ձեռքերը» և առաջարկում Լեռնային Ղարաբաղին ինքնուրույն գործ ունենալ Ադրբեջանի հետ: Այդ մասին nsn.fm-ին ասել է Հայաստանի Ազգային ժողովի նախկին պատգամավոր Արման Աբովյանը։ Հիշեցնենք, որ Նիկոլ Փաշինյանը վերջերս ասել է, որ Լեռնային Ղարաբաղի բնակիչներն իրավունք ունեն ինքնուրույն որոշել իրենց ապագայի հետ կապված հարցերը։ Նրա կարծիքով, Հայաստանը չի կարող խոսել Լեռնային Ղարաբաղի անունից, և ԲաքուՍտեփանակերտ երկխոսության ձևաչափում պետք է քննարկվի Լեռնային Ղարաբաղի ժողովրդի անվտանգությունը։ Աբովյանը կարծում է, որ այդ հայտարարությունից կարելի է եզրակացնել, որ «Հայաստանը ձեռքերը լվանում է»։
«Դա ընդամենը փորձ է արդարացնելու Հայաստանի համաձայնությունը Արցախի կործանմանը։ Ի՞նչ է ասում Փաշինյանը: Այն, որ Հայաստանը ձեռքերը լվանում է, ինքներդ գլուխ հանեք: Իհարկե, դա մահապատիժ է։ Ընդ որում, նրա խոսքերի հեղեղը պետք է արդարացնի ոչ միայն Արցախի կործանումը, այլ նաև Հայաստանի մասնատումը։ Դրանք փոխկապակցված գործընթացներ են։ Դա մարդկանց աչքում իրեն արդարացնելու փորձ է»,ասել է նա։ Միաժամանակ Աբովյանը հիշեցրել է Լեռնային Ղարաբաղի անփոփոխ այն դիրքորոշման մասին, որ չի պատրաստվում լինել Ադրբեջանի կազմում։
«Բայց Հայաստանի իշխանությունները մոռանում են, որ անգամ Հայաստանի տարածքն է օկուպացված, իսկ Ադրբեջանի պետական դոկտրինն իրականում ենթադրում է Հայաստանի կործանում։ Առայժմ Արցախը կանգնած է, պատրաստ չէ ինքնասպանության: Արայիկ Հարությունյանն ասում է, որ Արցախը ոչ մի դեպքում չի լինելու Ադրբեջանի կազմում։ Իսկ Ադրբեջանը չի թաքցնում իր մտադրությունները՝ կապված այդ տարածքի քաղաքացիների արտաքսման հետ»,եզրափակել է նա։
Մանրամասները՝ «Փաստ» օրաթերթի այսօրվա համարում