Վերջին 20 տարում Իջևանի մեր տնից ինչքան շատ բան ենք թափել, որ կարող էինք վաճառել և եկամուտ ստանալ․ Նիկոլ Փաշինյան
ՔԱՂԱՔԱԿԱՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«06»-ը, «Զիլ»-ը, «ՈՒԱԶ»-ն այսօր մեր վիզուալ մտածողությունը ձևակերպող ամենաազդեցիկ գործոնն են։ Կառավարության նիստում նման միտք հայտնեց վարչապետ Նիկոլ Փաշինյանը՝ կառավարության անդամներին էլ ասաց, որ իր միտքն ամենևին էլ կատակ չէ։
«Հիմա մեր գյուղի տանն էլ, ենթադրում եմ, որ խորդանոցում նման իրար շատ կան, «06» չեմ գտնի, բայց դրան նմանվող այլ ապրանքներ կգտնեմ։ Մյուս կողմից էլ, բազմաթիվ արժեք ներկայացնող նյութեր լցվում են աղբը»,-նշեց նա։
Փաշինյանը պատմեց, որ այսօր կան ժամանակակից սրճարաններ, որոնք իրենց ինտերիերում նման իրեր են օգտագործում։ Նիկոլ Փաշինյանը վերջերս է նման սրճարանում եղել և կառուցապատողից հարցրել, թե որտեղից են նման իրեր գտել։ Սրճարանի սեփականատերն էլ պատասխանել է, թե գյուղական աղբավայրերից է գտել։
«Պահարաններ կային և այլն։ Շատերն էլ վաճառում են հին իրերը և արդեն բիզնես են դարձրել։ Հիմա, որ այդ ամենը տեսա, հասկացա, որ վերջին 20 տարում Իջևանի մեր տնից ինչքան շատ բան ենք թափել, որ այսօր կարող էինք վաճառել և եկամուտ ստանալ։ Բայց «06»-ի կուզովն անձեռնմխելի է»,- նկատեց Փաշինյանը հետո ավելացրեց․
«Բոլորիս տներում էլ սերվիս կա, որ չենք օգտագործում, հանում ենք, փոշին մաքրում, դնում ենք տեղը։ Մեր տանն էլ նման սերվիս կա, երևի 80-ականներից հետո մի երկու անգամ ենք օգտագործել, հավանաբար, կարևոր հյուրերի համար»,- ծիծաղելով եզրափակաեց կառավարության ղեկավարը։