Այն բանից հետո, երբ ՀՀ ղեկավարությունը Լեռնային Ղարաբաղն ադրբեջանական է ճանաչել, Ռուսաստանի հասցեին պահանջները կրկնակի անտեղի են. Զախարովա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Միանգամայան անհասկանալի են Հայաստանի վարչապետ Նիկոլ Փաշինյանի դատողությունները Լեռնային Ղարաբաղից ռուս խաղապահների դուրսբերման հարցի վերաբերյալ՝ հատկապես այսօրվա դրությամբ այնտեղ ստեղծված ծայրաստիճան բարդ մարդասիրական իրավիճակի ֆոնին. այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Սա պարոն Փաշինյանի ցանկությո՞ւնն է։ Ես չեմ հասկանում՝ ինչի մասին է նա խոսում։ Նա ցանականում է որ այդպե՞ս լինի: Բոլորին հայտնի է, որ մեր խաղաղապահներն իրականացնում են կարևոր գործառույթներ՝ գերիների փոխանակում, ականազերծում, միջադեպերի կարգավորում, մարդասիրական օգնության ցուցաբերում: Մի՞թե ՀՀ ղեկավարության կարծիքով՝ այս գործունենությունն անպետք է, ոչ ցանկալի, և նրանք ցանկանում են որ այն չլինի՞: Այսինքն, պետք է ինչ-որ կերպ կողմնորոշվել: Ցավոք, հաճախ ենք տեսնում, որ ՀՀ ղեկավարության ներկայացուցիչները երկիմաստ դիրքորոշում են զբաղեցնում մի շարք առանցքային հարցերի շուրջ: Ուստի, ցանկանություն կա, որ կոնկրետ այս հարցով երկիմաստություն չլինի: Բառերի հետ ձեռնածություն անելը լավի չի հանգեցնում: Բարձրագույն մակարդակով մեկ անգամ չէ, որ ընդգծվել է ռուսական խաղաղապահ զորակազմի ներդրումը  տեղակայման գոտում անվտանգության ապահովման գործում, շեշտադրվել է դրա գործունենության պահանջը իրավիճակի կարգավորման նպատակով: Ուստի այս ամենը կասկածի տակ դնելու նման փորձերը մեծ հարցեր են առաջացնում՝ ի՞նչ նպատակով է սա արվում: Եվ ընդհանուր առմամբ, այն բանից հետո երբ ՀՀ ղեկավարությունը Լեռնային Ղարաբաղն ադրբեջանական է ճանաչել, ինչպես իրենք են ասել, Ռուսաստանի հասցեին պահանջները՝ ջանքերի անբավարարության վերաբերյալ, կրկնակի անտեղի են»,- ասել է Զախարովան: