ՊԱՏՄՈՒԹՅԱՆ ԱՅՍ ՕՐԸ (3 ՕԳՈՍՏՈՍԻ). Կոլումբոսի առաջին ճամփորդությունը, առաջին լուսացույցերը, մարդատար ինքնաթիռի բախումը լեռանը. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Նիգեր՝ Անկախության օր Ֆրանսիայից, Վենեսուելա՝ Դրոշի օր:

ՀԱՅ – ՀԱՅԱՍՏԱՆ

1903 – ծնվել է սփյուռքահայ գրականության հիմնադիրներից մեկը՝ ֆրանսահայ գրող Շահան Շահնուրը։

1903 – ծնվել է հանրահայտ բժիշկ Լևոն Հարությունյանը:

1930 – ծնվել է հայազգի խորհրդային ատոմային տեխնիկ Եվգենի Աբրահամյանը:

1935 – ծնվել է վրացի պատմաբան, լեզվաբան և հայագետ Զազա Ալեքսիձեն:

1937 – ծնվել է նկարիչ և խեցեգործ Վան Սողոմոնյանը:

1966 – ծնվել է մշակութային գործիչ, ազգային պարարվեստի մասնագետ, արցախյան ազատամարտի մասնակից Գագիկ Գինոսյանը։

2007– ACBA – Credit Agricole բանկը առաջին անգամ Հայաստանում ստորագրել է սինդիկացված վարկի պայմանագիր Վերակառուցման և զարգացման եվրոպական բանկի (ՎԶԵԲ) և աշխարհում խոշոր ա գույն բան կ ա յին խմբե րից մե կ ի ՝ Citigroup–ի հետ:

2009 – վախճանվել է հայազգի խորհրդային և ռուսական քաղաքական և պետական գործիչ, տնտեսագետ, ակադեմիկոս Ստեփան Սիտարյանը:

2010 – հայերեն Վիքիպեդիան հատել է 10 000 հոդվածի շեմը։

2011– Լեռնային Ղարաբաղի պաշտպանության բանակի դիրքերից մեկում 2010 թվականի նոյեմբերի 19–ին տեղի ունեցած չորս զինվորի սպանության և երեք զինվորի վիրավորելու գործով մեղադրվող զինծառայող Մանվել Հազրոյանը դատապարտվել է ցմահ ազատազրկման:

2018 – Շուռնուխ գյուղի մի խումբ բնակիչներ պահանջել են համասեռամոլներին հեռանալ գյուղից, այնուհետև նրանց միջև ծագել է վիճաբանություն, որի ընթացքում գյուղացիները ծեծի են ենթարկել նրանց: Չորս անձ մարմնական վնասվածքներով տեղափոխվել է հիվանդանոց:

2020 – վախճանվել է Հայաստանի նախկին պետնախարար, հնագետ Գրիգոր Արեշյանը:

2022 – ադրբեջանական սադրանքների հետևանքով սրվել է իրավիճակը Արցախի հյուսիսային և արևմտյան սահմաններում, կիրառվել են ԱԹՍ–ներ և հրետանի, եղել են զոհեր և վիրավորներ, հանրապետությունում հայտարարվել է մասնակի զորահավաք:

ԱՇԽԱՐՀ

1492 – Կոլումբոսը 3 կարավելլաներով՝ «Սանտա Մարիա», «Նինյա» և «Պինտա», դուրս է եկել Պալոս դե-լա Ֆրոնտերա քաղաքի նավահանգստից և ուղևորվել է՝ գտնելու Ասիա տանող կարճ ճանապարհը: Սկսվել է Կոլումբոսի առաջին ճամփորդությունը:

1546 – մարդասիրական ստեղծագործություններ հրատարակելու համար կախաղան է բարձրացվել ֆրանսիացի հրատարակիչ Էտյեն Դոլեն:

1770 – ծնվել է Պրուսիայի թագավոր Ֆրիդրիխ Վիլհելմ 3–րդը:

1778 – Միլանում բացվել է «Լա Սկալա» օպերայի շենքը:

1811 – ծնվել է պտուտակային վերելակների և վերելակի անկումը կանխող արգելակների գյուտարար Էլիշա Օտիսը:

1829 – Փարիզի Երաժշտության թագավորական ակադեմիայում (Օպերա Գարնիե) կայացել է Ջոակինո Ռոսինիի «Վիլհելմ Տելլ» օպերայի պրեմիերան։

1882 – ԱՄՆ–ի Կոնգրեսը 10 տարով արգելել է չինացիների միգրացիան երկիր, ինչպես նաև արգելել է երկիր մուտք գործել լուսնոտներին, հանցագործներին և հոգեկան հիվանդներին:

1904 – անգլիական արշավախմբի անդամները մտել են Տիբեթի մայրաքաղաք Լհասա: Նրանք սուրբ քաղաք Լհասա մտած առաջին եվրոպացիներն էին:

1904 – ծնվել է ամերիկացի ֆանտաստ գրող Կլիֆֆորդ Սայմարկը:

1912 – Օսմանյան Կայսրությունը, դպրոցներում թույլատրելով ալբաներենի դասավանդումը, Ալբանիային շնորհել է սահմանափակ անկախություն:

1914 – Առաջին համաշխարհային պատերազմի ժամանակ Գերմանիան պատերազմ է հայտարարել Ֆրանսիային:

1919 – վախճանվել է գերմանացի իրավաբան, բանաստեղծ, գրականագետ Յոզեֆ Կոհլերը:

1926 – լոնդոնյան Պիկադիլլի հրապարակում տեղադրվել են առաջին լուսացույցերը:

1956 – Սիրիայում տեղի է ունեցել ռազմական հեղաշրջում:

1960 – Նիգերն անկախություն է ստացել Ֆրանսիայից:

1968 – վախճանվել է ԽՍՀՄ մարշալ, ԽՍՀՄ կրկնակի հերոս Կոնստանտին Ռոկոսսովսկին:

1975 – Մարոկկոյում Բոինգ–707 մարդատար ինքնաթիռը բախվել է լեռանը, զոհվել է 188 մարդ:

1980 – Մոսկվայի Լուժնիկի մարզադաշտում տեղի է ունեցել 12–րդ Օլիմպիական խաղերի փակման հանդիսավոր արարողությունը:

1988 – խորհրդային բանտից վաղաժամկետ ազատ է արձակվել գերմանացի Մատիաս Ռուստը, որն իր ինքնաթիռով վայրէջք էր կատարել Մոսկվայի Կարմիր հրապարակում:

1994 – վախճանվել է ռուս խորհրդային դերասան Ինոկենտի Սմոկտունովսկին:

1998– վախճանվել է խորհրդային կոմպոզիտոր և դաշնակահար, երաժշտության թեորետիկ Ալֆրեդ Շնիտկեն:

2005 – Մահմուդ Ահմադինեժադը դարձել է Իրանի նախագահ:

2008 – վախճանվել է ռուս արձակագիր, հրապարակախոս, հասարակական գործիչ, Նոբելյան մրցանակի դափնեկիր Ալեքսանդր Սոլժենիցինը:

Մանրամասները՝ «Փաստ» օրաթերթի այսօրվա համարում