Էներգետիկները Խակասիայում ֆերմերների համար տեղադրել են առաջին արևային կայանը

Gorno-altaisk.info-ն գրում է, որ արեգակնային կայանի տեղադրման փորձնական նախագիծ է իրականացրել «Ռոսսեթի Սիբիր»-ը Պետդումայի պատգամավոր Սերգեյ Սոկոլի հետ համագործակցությամբ։ Խակասիայի հովիվների ճամբարները գտնվում են բերրի, գեղատեսիլ, բայց էլեկտրացանցերից հեռու վայրերում: Նման շատ վայրեր կան ոչ միայն Խակասիայում, այլ նաև Սիբիրի շատ շրջաններում։ Ուստի գյուղացիական տնտեսությունների տեխնոլոգիական միացման համար անհրաժեշտ է այլընտրանքային մոտեցում, օրինակ արևային կայաններ տեղադրելը։ Բուրյաթիայում դա վաղուց են հասկացել, և իրականացվում է տարածաշրջանային ծրագիր, որն է ֆերմերներին նման կայանքների համար փոխհատուցելը։

Այդ փորձը հետաքրքրել է Ռուսաստանի Դաշնության Դաշնային ժողովի Պետական ​​դումայի պատգամավոր Սերգեյ Սոկոլին, և նրա մասնակցությամբ Խակասիայում մեկնարկել է փորձնական նախագիծ արևային կայանի օգտագործման արդյունավետությանը վերլուծելու նպատակով։ Խակասիայի Հանրապետության Բեյսկի շրջանի Կոյբալի գյուղի ֆերմերները դարձել են Սիբիրում առաջինը, ում «Ռոսսետի Սիբիրի»-ը լրացուցիչ ծառայություններից վաստակած սեփական միջոցների հաշվին տեղադրել է արևային կայան:

«Այդ ֆերմայի համար երեք կիլոմետրանոց 10 կՎ լարման գծի կառուցման և տրանսֆորմատորային ենթակայանի տեղադրման արժեքը կկազմի 6 միլիոն ռուբլի: Միևնույն ժամանակ դրանք կվճարեին հանրապետության բոլոր բնակիչների վրա, քանի որ սակագնում հաշվի են առնվում էլեկտրահաղորդման գծերի կապիտալ շինարարության, պահպանման և հետագա վերանորոգման ծախսերը։ Միկրոգեներացիայի օգտագործումը հնարավորություն է տվել չորս անգամ կրճատել իրական ծախսերը»,- պարզաբանել է «Ռոսսետի Սիբիրի» գլխավոր տնօրեն Պավել Ակիլինը:

Նախագիծը մշակվել է ESK Siberia-ի դուստր ձեռնարկության կողմից հաշվի առնելով գյուղացիական տնտեսությունների կարիքները, շահագործման երկար ժամկետները և ծանր աշխատանքային պայմանները, ներառյալ կլիմայական պայմանները:  Կայանը ներառում է արևային մարտկոցներ, արևային էներգիան էլեկտրական էներգիայի կուտակելու և էներգիայի վերածելու համակարգ։ Տարվա ինն ամիսներին ցերեկային ժամերին արտադրվում է մինչև 10 կՎտժ, իսկ ձմռանը (նոյեմբեր-հունվար) օրական մոտ 5 կՎտ/ժ էլեկտրաէներգիա։

«Որպեսզի արևային կայանները հայտնվեն այլ տնտեսություններում և ճամբարներում, պետք է գործարկվի արևային տեղադրման համար ֆերմերներին 90%-ով փոխհատուցելու ծրագիր: Բուրյաթիայում այն ​​հաջողությամբ գործում է, Խակասիայում առայժմ միայն թղթի վրա է։ Որպեսզի դա գործի ամբողջ ուժով, անհրաժեշտ է մի շարք փոփոխություններ կատարել դաշնային օրենսդրության մեջ: Օրինակ փոխել բաշխման բուն հայեցակարգը, նախանշել նախագծին մասնակցության հստակ չափանիշներ, մասնավորապես տարածքի հեռավորությունը էլեկտրակայանից։ Դրա համար պետք է աշխատել էներգետիկների հետ միասին։ Հեռավոր տարածքների համար արևային էներգիայի օգտագործումը տնտեսապես շահավետ է ինչպես ֆերմերների, այնպես էլ էներգետիկ ընկերության համար։ Վստահ եմ, որ Խակասիայում այդ փորձնական նախագիծը կլինի արևային էներգիայի երկար ճանապարհի սկիզբը»,- ասաց Սերգեյ Սոկոլը:

Ֆերմերային տնտեսության ղեկավար Վիտալի Կապսարգինը, ով  հուսալի էլեկտրամատակարարում է ստացել, մեծ հույսեր է կապում արևային տեխնոլոգիաների հետ:  «Ես շնորհակալ եմ էներգետիկներին։ Մենք կտեսնենք, թե ինչպես կլինի ձմռանը։ Բայց առանց էլեկտրականության իսկապես դժվար էր։ Իսկ հիմա լավ է»,- ընդգծել է ֆերմերը։

Արեգակնային կայանի շահագործումը թույլ է տալիս բեռնել ցանցն այնքան, որ կարող են միաժամանակ միացնել թեյնիկը, սառնարանը, մեկ տասնյակ լամպ, շրջանաձև պոմպ, հեռուստացույց, համակարգիչ և միկրոալիքային վառարան։

 

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn  արևային կայան և զրոյացրեք էլեկտրաէլերգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]