Իսրայելը շարունակում է զինել Արցախը պաշարած Ադրբեջանին․ անդրադարձ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Ցանկացողները կարող են այս գրառման մեկնաբանություններում կարող են գտնել իսրայելցի լրագրող Ալլա Գավրիլովի հոդվածի հղումը  Իսրայելից Ադրբեջան զենքի նոր մատակարարումների և Արցախում հումանիտար ճգնաժամի մասին»։ Այս մասին ֆեյսբուքի իր էջում գրել է ռուսաստանաբնակ հայ գրող Նարինե Աբգարյանը։

Նա նշել է, որ վերջին շաբաթվա ընթացքում ադրբեջանական Silk Way Airlines ավիաընկերությունը իսրայելական զենքով բեռնավորված 4 չվերթ է իրականացրել Ուվդա ռազմական օդանավակայանից: «Հարեց»-ի լրագրող Ավի Շարֆի հաշվարկներով, ով այս տարվա մարտին հրապարակել է Ադրբեջանին իսրայելական զենքի մատակարարումների վերաբերյալ հետաքննությունը, սեպտեմբերի 5-ին Ուվդայից իրականացված թռիչքը դարձել է 102-րդը Silk Way Airlines ավիաընկերության համար՝ վերջին յոթ տարվա ընթացքում:

«Եթե հիմնվենք Շարֆի՝ մարտին հրապարակած տվյալների վրա՝ հղում կատարելով բաց աղբյուրներին, ապա կարող ենք եզրակացնել, որ Silk Way Airline ավիաընկերության ինքնաթիռների թռիչքների հաճախականությունը Ուվդայից Ադրբեջան ավելացել է Լեռնային Ղարաբաղում ռազմական գործողությունների ժամանակաշրջաններում։ 
Մինչև հիմա ամենաինտենսիվ թռիչքներն իրականացվել են 2016 թվականի կեսերին, 2020 թվականի վերջին և 2021 թվականի վերջին։

Իսրայելի պաշտպանության նախարարությունը հրաժարվեց մեկնաբանել իրավիճակը: Հիշեցնենք, որ Իսրայելի իշխանությունները ձեռնպահ են մնում Ադրբեջանին իսրայելական զենքի մատակարարման հետ կապված կոնկրետ գործարքների մեկնաբանություններից: Որպես կանոն, նման գործարքների մասին տեղեկությունները հայտնվում են իսրայելական լրատվամիջոցներում՝ վկայակոչելով Ադրբեջանի պաշտպանության նախարարությանը կամ ադրբեջանական լրատվամիջոցներին։

Միևնույն ժամանակ, իրավիճակը տարածաշրջանում գնալով սրվում է, Ադրբեջանը մեծ թվով զորքեր է կենտրոնացնում Հայաստանի հետ սահմանին, այս ամենը մտավախություն է առաջացնում, որ երկար սպասել չի լինի։
Սեպտեմբերի 5-ից Ստեփանակերտում հացի վաճառքն իրականացվում է կտրոններով, մեկ անձին օրական 200 գրամ հացի իրավունք է տրվում, մինչ այդ մոտ հինգ օր հացի փռերում ընդհանրապես հաց չկար, քանի որ քաղաքում սպառվել էր ալյուրը։

Իսկ ինչպե՞ս են բուժվում մարդիկ։ Չե՛ն բուժվում։ Հիվանդանոց են գնում միայն տարեցները, հիվանդ մարդիկ կամ փոքր երեխաներւ, եթե մահամերձ չես, ապա հիվանդանոց գնալն իմաստ չունի, դեղ չկա։ Որպեսզի թույլ տան հատել սահմանը, պետք է մահամերձ լինել։

Շատ շնորհակալ եմ, Ալլա՛, հոդվածի համար։ Շատ շնորհակալ եմ ստեփանակերտցիներին, որ համաձայնեցին զրուցել»։