Ամերիկացիների հանկարծակի սերը Հայաստանի և Արցախի հանդեպ Թուրքիայի հետ խիստ համաձայնեցված է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Անշուշտ լավ է, որ ԱՄՆ Սենատը լսումներ է անցկացնում Արցախի վերաբերյալ։ Սա չափազանց կարևոր իրադարձություն է, եթե չլիներ մեկ «բայց»։ 

Լսումները ցույց տվեցին, որ խնդիրների հայկական «փաթեթը» եւ լուծման մեթոդները ԱՄՆ-ի կողմից դիտարկվում են բացառապես Հարավային Կովկասի տարածաշրջանում Ռուսաստանի, Իրանի եւ Չինաստանի ազդեցության դուրս մղման առումով: 

Ուղղակի մեջբերում ԱՄՆ պետքարտուղարի օգնական Յուրի Քիմի խոսքերից, ով բառացիորեն ասել է հետևյալը. «ԱՄՆ- ն պետք է ընդլայնի աջակցությունը Հայաստանին զարգացման, պաշտպանության և անվտանգության ոլորտում` այնքանով, որքանով դա հնարավոր է։ Մենք ռազմավարական հնարավորություն ունենք դիմակայելու Ռուսաստանի, Իրանի և Չինաստանի ազդեցությանը այս տարածաշրջանում»: Հայտարարել է Քիմը ԱՄՆ Կոնգրեսի Սենատի արտաքին հարաբերությունների հանձնաժողովում լսումների ժամանակ։ 

Այսինքն, ունենք մի իրավիճակ, երբ ԱՄՆ-ը Հայկական հարցը դիտարկում է բացառապես Արևմուտք-Արևելք առճակատման համատեքստում և ոչ այլ կերպ։ Մնացած խոսքերն այն մասին, թե իբր «ԱՄՆ-ն չի հանդուրժի որևէ հարձակում Լեռնային Ղարաբաղի և Հայաստանի ուղղությամբ», ընդամենը խոսքեր են, քանի որ նույն ԱՄՆ-ն տարածաշրջանում ռազմական դիմակայության նախաձեռնողներից մեկի՝ Թուրքիայի դաշնակիցն է։ 
Որպես «ամերիկյան խոսքի» արդիականության օրինակ կարող ենք հիշել 2020 թվականի աշնանը 44-օրյա պատերազմի ժամանակ Դոնալդ Թրամփի միջնորդությամբ ձեռք բերված «հրադադարի համաձայնագիրը», որը թուրք-ադրբեջանական տանդեմը ցուցադրաբար խախտեց: 

Եւ ի՞նչ. ԱՄՆ-ն պատժամիջոցնե՞ր է սահմանել Ադրբեջանի դեմ համաձայնագիրը խզելու համար։ Ոչ, այսինքն՝ ամերիկացիների հանկարծակի սերը Հայաստանի և Արցախի հանդեպ Թուրքիայի հետ խիստ համաձայնեցված քայլ է։ Իրավիճակն իրականում ավելի քան հասկանալի է։ 2018 թվականից սկսած Հայաստանում գործնական հիմքի վրա իրականացվեց աշխարհաքաղաքական նոր իրողություն ձևավորելու ծրագիր, որտեղ շեշտը դրվեց տարածաշրջանում ռուս-իրանական ազդեցության դուրս մղման վրա:

Հայաստանի շուրջ բոլոր գործընթացները, հավակնությունները, ռազմական գործողությունները, դիվանագիտական նկրտումները ընդամենը «մեծ խաղի տարրեր էին փոքր տարածաշրջանում» Ռուսաստանին և Իրանին դուրս մղելու` Հայաստանի, Արցախի և հայերի անվտանգության, կյանքի, ապագայի հաշվին։ Յուրի Քիմի հայտարարությունը պարզապես բացահայտեց այն ամենը, ինչի մասին լուրջ վերլուծական կենտրոնները զգուշացնում էին վերջին հինգ տարիների ընթացքում։ 

Ես չգիտեմ, թե այս իրավիճակում ինչպես կվարվի Ռուսաստանը, բայց Իրանը... Իրանի ԱԳ նախարար Հոսեյն Ամիր Աբդոլլահիանի շուրթերով արդեն հայտարարել է իր հայ գործընկեր Արարատ Միրզոյանին, որ Իրանը չի հանդուրժի տարածաշրջանում «երրորդ երկրների» դիրքերի ուժեղացումը՝ ավելի քան թափանցիկ ակնարկելով Հայաստանի համար խիստ բացասական հետևանքների մասին։ Անշուշտ, Հայաստանի ներկայիս իշխանություններն անկախ միավոր չեն և ընդամենը կատարում են այն դերը, որ իրենց վրա են դրել «արևմտյան բարեկամները» +թուրք-ադրբեջանական տանդեմը։ 

Սակայն մենք այսօր ունենք մի իրավիճակ, երբ հայկական ղեկավարության ձեռքով արվում է ամեն ինչ, որպեսզի հնարավորինս բարենպաստ պայմաններ ստեղծվեն Արցախի ոչնչացման և Հայաստանի մասնատման համար՝ հանուն տարածաշրջանից ռուսներին և իրանցիներին դուրս մղելու։ Եվ ի դեպ, «վաշինգտոնյան շրջկոմի» մատուցմամբ արդեն գալիք աղետի մեղավորները նշանակված են, և դա, համաձայն փաշինյանական իշխանության քարոզչամեքենային, բնավ թուրքերը և ադրբեջանցիները չեն։ 
Կարող եք կռահել, թե` ով:

Արման Աբովյան