Շվեյցարական Dhp Technology ստարտափն առաջարկում է թեթև, ակորդեոնի պես ծալվող արևային վահանակներ

3dnews.ru-ն գրում է, որ շվեյցարական «Dhp Technology» երիտասարդ ընկերությունն առաջարկում է օգտագործել շարժական արևային վահանակները, որոնք կարող են տեղադրվել որպես բեռնատար մեքենաներ կայանավայրերի հովանոցներ, և արևից ստացված էլեկտրաէներգիան ուղղել էլեկտրական մեքենաների քարշային մարտկոցները լիցքավորելու համար։ Կլիմայական անախորժությունների դեպքում, ինչպիսին է կարկուտը, արևային մարտկոցները կարող են հավաքվել, ծալվել «ակորդեոն»-ի պես:

Ըստ Electrek-ի որպես փորձնական նախագիծ նման արևային մարտկոցները կտեղակայվեն Շվեյցարիայի երկու շրջանների մայրուղիների մոտ գտնվող 45 կայանատեղիների վրա: Նման ծալովի արևային տանիքն ունի իր անունը՝ HORIZON, այն շատ ավելի թեթև է համեմատած ապակի օգտագործող ավանդական արևային մարտկոցների հետ: Այս տեսակի պանելների բացման և ծալման համար օգտագործվում են պարաններ և գլանափաթեթներ, որոնք բարձրացվում են գետնից մինչև 6 մետր բարձրության վրա: Վերգետնյա հենարանների միջև հեռավորությունները կարող են բավական մեծ լինել, որը կխնայի կայանատեղիների տարածքը:

Հաղորդվում է, որ կառավարման էլեկտրոնիկան ինքն է վերահսկում եղանակը, և եթե ուժեղ քամիները, կարկուտը կամ ձյունը սպառնում են արևային մարտկոցներին, դրանք ժամանակավորապես փակվում են: Միևնույն ժամանակ, HORIZON տանիքի մաս կազմող արևային մարտկոցների արդյունավետությունը լիովին բավարար է ձմեռային սեզոնին պատշաճ քանակությամբ էլեկտրաէներգիա արտադրելու համար:

Էներգետիկ Aventron ընկերությունը, որը հանդիսանում է Dhp Technology-ի կոնսորցիումի մաս, պատրաստվում է նման ծալվող արևային վահանակներ տեղադրել Շվեյցարիայի երկու շրջանների 45 բեռնատարների կանգառներում։ Ստացված էլեկտրաէներգիան նախատեսվում է օգտագործել հիմնականում էլեկտրական մեքենաների լիցքավորման համար, թեև հարակից տնային տնտեսությունները ևս, ավելցուկի դեպքում, կարող են ինչ-որ բան ստանալ։ 45 կայանատեղիից պանելները միասին կկարողանան արտադրել մինչև 35 մեգավատ էլեկտրաէներգիա։ Վահանակների տեղադրումը կսկսվի հաջորդ տարի, իսկ բոլոր 45 օբյեկտները շահագործման կհանձնվեն 2027 թվականին:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]