Ավելի ու ավելի շատ ռուսաստանցիներ են հավանություն տալիս Ստալինի քաղաքականությանը

Ռուսաստանցիների կողմից Իոսիֆ Ստալինի անձի եւ քաղաքականության պաշտպանությունը վերջին ինը տարվա ընթացքում զգալիորեն աճել Է: Դա ինչպես տեղեկացնում Է «Արմենպրես»-ը, ցույց Է տվել «Լեւադա կենտրոնի» դեկտեմբերյան հարցումը:

Հարցման մասնակիցների 34 տոկոսը համաձայն Է այն դիտարկմանը, որ «ինչպիսի սխալներ ու արատներ Էլ վերագրվեն Ստալինին, ամենակարեւորն այն Է, որ նրա ղեկավարությամբ Է մեր ժողովուրդը հաղթող դուրս եկավ Հայրենական մեծ պատերազում»: 2007 թվականին այս պնդմանը համաձայն Էր մասնակիցների միայն 28 տոկոսը:

Հարցվածների եւս 20 տոկոսը պնդում Է, որ Ստալինն իմաստուն ղեկավար Էր, որը երկիրը հասցրեց հզորության եւ բարգավաճման: 2007 թվականին այս տեսակետին համաձայն Էր 14 տոկոսը:

Մասնակիցների 15 տոկոսն այն կարծիքին Է, որ միայն Ստալինի նման խիստ ղեկավարը կարող Էր կարգուկանոն հաստատել երկրում այն պայմաններում, որոնք եղել են 50-70 տարի առաջ: Այս գաղափարի կողմնակիցների թիվն ինը տարվա ընթացքում չի փոխվել:

Ռուսաստանցիների 12 տոկոսն սկզբունքորեն կարծում Է, որ Ռուսաստանի ժողովուրդը չի կարող գլուխ հանել առանց այնպիսի ղեկավարի, ինչպիսին Ստալինն Է: «Վաղ թե ուշ նա կգա եւ կարգուկանոն կհաստատի»,-վստահ են նրանք: Ինը տարի առաջ այս կարծիքը կիսում Էր հարցվածների 9 տոկոսը:

Կրճատվել Է այն մարդկանց թիվը, ովքեր Ստալինին բացասաբար են վերաբերվում: Մասնակիցների 21 տոկոսը Ստալինին համարել Է «անմարդկային բռնակալ», որը մեղավոր Է միլիոնավոր անմեղ մարդկանց կործանման համար: 2007 թվականին այդ պնդման կողմնակիցները 29 տոկոս Էին կազմում:

Հարցմանը 1,6 հազար մարդ Է մասնակցել ՌԴ-ի 48 տարածաշրջաններից: