ԱՄՆ-ն կարող է «աչք փակել» Ադրբեջանի՝ Հայաստանի ինքնիշխան տարածքի հարձակման վրա․ Մաթևոսյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հոկտեմբերի 13-ին ՌԴ նախագահ Վլադիմիր Պուտինը ասել է, որ Ռուսաստանը պատրաստ է աջակցել Հայաստանի և Ադրբեջանի միջև համաձայնագրի ստորագրմանը։ MediaHub-ի հետ զրույցում քաղաքագետ Բենիամին Մաթևոսյանը նշեց` ԵՄ-ում ՀՀ դեսպան Տիգրան Բալայանը հայտնել է, որ մոտ ապագայում հնարավոր է Ադրբեջանն իրականացնի Հայաստանի դեմ ռազմական ագրեսիա։ Պետք է հետևել պաշտոնական լրահոսին, իսկ պաշտոնականից արդեն եղել է կարծիք, որ պատերազմը մոտ ապագայում հավանական է։ 

Քաղաքագետը MediaHub-ի հետ զրույցում նշեց, որ հոկտեմբերի 14-ին ամերիկյան Pilitico հրատարակությունը հայտնել էր, որ, իրենց տեղեկություններով, ԱՄՆ պետքարտուղար Էնթոնի Բլինկենը հոկտեմբերի 3-ին մի խումբ կոնգրեսականների հետ հանդիպման ժամանակ մտահոգություն է հայտնել, որ ադրբեջանական զորքերը կարող են ներխուժել Հայաստանի հարավային հատված։ 

«Ըստ Politico-ի՝ Բլինկենը Հայաստանի վրա պոտենցիալ հարձակման մասին հայտարարել է ավելի քան 10 օր առաջ, սակայն նրանք որոշել են հրապարակել այդ տեղեկատվությունը այն բանից հետո, երբ ՌԴ նախագահն անձամբ հասկացրել է, որ Մոսկվան մտադիր է հասնել խաղաղության պայմանագրի ստորագրմանն իր բանակցային հարթակում»,- MediaHub-ի հետ զրույցում ասաց քաղաքագետ Բենիամին Մաթևոսյանը։

Ըստ քաղաքագետի, Politico-ի «արտահոսքը» կարող է ընկալվել նաև որպես բացահայտ դիվանագիտական շանտաժ. եթե համաձայնագիրը ստորագրվի Ռուսաստանում, ապա ԱՄՆ-ն կարող է «աչք փակել» Ադրբեջանի՝ Հայաստանի ինքնիշխան տարածքի հարձակման վրա: Սա հստակ նախազգուշացում է ԱՄՆ-ից։

«Նույնիսկ առանց Վաշինգտոնի «նախազգուշական կրակոցների» պաշտոնական Երևանը վաղուց էր որոշել իր առաջնահերթությունները բանակցային հարթակի հետ կապված, այլապես Փաշինյանի ընտանիքին պատկանող լրատվական կայքում Պուտինի խոսքերից անմիջապես հետո ՌԴ նախագահին չէին անվանի «Նեղացած հարսնացու»։ Նաև կարելի է նշել՝ տեղեկություն չի եղել, որ ադրբեջանական զորքը Արցախի սահմանին սեպտեմբերի 19-ին հեռացել է տարածաշրջանից։ Իսկ հետևություններ թող անի ժողովուրդը»,- եզրափակեց Մաթևոսյանը։

Մարիաննա Արամյան