Արցախի նախագահ Սամվել Շարհամանյանին դեռ Հ1 չեն հրավիրել
ՔԱՂԱՔԱԿԱՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հոկտեմբերի 20-ին Հայաստանում Արցախի ներկայացուցչության մոտ խայտառակ բողոքի ակցիա տեղի ունեցավ` ակնհայտորեն ուղղորդված ՀՀ իշխանական եւ իշխանամերձ շրջանակներից: Հավաքվածները` մոտ 100 հոգի, չնայած չէին կարողանում հոդաբաշխորեն բացատրել, թե ինչ են պահանջում Արցախի նախագահ Սամվել Շահրամանյանից եւ Արցախի վտանրանդի կառավարությունից, որն, ըստ էության, լուծարված է եւ չի որեւէ լծակներ չունի ինչ որ սոցիալական հարցեր լուծելու, բայց եկել էին իրենց բողոքը հայտնելու Արցախից մազապուրծ այս գործիչներին` կատարվածի պատասխանատվությունը դնելով նրանց վրա: Արցախի պաշտոնյաներն այնքան անակնկալի եկան այդ ակցիայից եւ այնքան փոքր է նրանց մեղքը կատարվածի մեջ, որ դուրս եկան շենքից, որ զրուցեն հավաքվածների հետ եւ հասկանան, թե որն է նրանց պահանջը: Հենց այստեղ էլ Արցախի նախագահ Սամվել Շահրամանյանը հայտարարեց, որ պատրաստվում է բոլոր հարցերի շուրջ խոսել եւ ներկայացնել իրականությունը, անգամ հայտարարեց, որ Հանրայինի եթերում է խոսելու:
Ավելի ուշ լուր տարածվեց, որ այդ օրը երեկոյան Սամվել Շահրամանյանը ելույթ է ունենալու Հանրային հեռուստաընկերության եթերում` հյուրընկալվելու է Պետրոս Ղազարյանի հաղորդմանը։ Սակայն երեկոյան պարզվեց, որ Պետրոսի հյուրն այլ անձ է:
Մենք հետաքրքրվեցինք, թե Շահրամանյանին հրավիրե՞լ են` չի գնացել եթեր, թե՞ չեն հրավիրել: Եւ արդյո՞ք առաջիկայում կկայանա Սամվել Շարհամանյանի հարցազրույցը Հ1-ի եթերում: Հանրայինի հարցազրուցավար Պետրոս Ղազարյանի հետ զրույցից հասկացանք, որ Շահրամանյանին դեռ չեն հրավիրել Հ1: Նա ի պատասխան մեր հարցի, նշեց.«Դեռ քննարկման փուլում է գտնվում հրավերի առաջարկը, եթե լինի նման որոշում, ես տեղյակ կպահեմ»: