Ի՞նչ պատիժ է սպասվում Վագիֆ Խաչատրյանին․ դատական նիստ՝ Բաքվում
ՀԱՍԱՐԱԿՈՒԹՅՈՒՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր կշարունակվի այս տարվա հուլիսին Լաչինի անցակետից ադրբեջանցի ուժայինների կողմից առևանգված և ապօրինաբար կալանավորված Վագիֆ Խաչատրյանի դատավարությունը։ Այդ մասին հայտնում են ադրբեջանական լրատվամիջոցները։
Նշվում է, որ հերթական դատական նիստը կանցկացվի Բաքվի Յասամալի շրջանային դատարանի վարչական շենքում՝ Բաքվի ռազմական դատարանի դատավոր Զեյնալ Աղաեւի նախագահությամբ։ Դատավարության պետական մեղադրողը գլխավոր դատախազի օգնական Մուգադաս Սուլթանովն է։
Սպասվում է, որ քրեական գործով դատական քննությունն այսօր կավարտվի, դատախազը մեղադրյալի համար պատիժ կպահանջի։
Հիշեցնենք, որ արցախցի 68-ամյա Վագիֆ Խաչատրյանին մեղադրում են «1991 թվականին Մաշալի գյուղում ադրբեջանցիների դեմ կատարած հանցագործությունների մեջ»։ Քրեական գործով տուժող է ճանաչվել ավելի քան 50 մարդ։
Նախորդ դատական նիստերում հանդես են եկել այդ իրադարձությունների, այսպես կոչված, ականատեսներն ու տուժողները։
Խաչատրյանը կտրականապես հերքում է բոլոր մեղադրանքները։