Երևան, 17.Նոյեմբեր.2026,
00
:
00
ՀՐԱՏԱՊ

Exclusive. «Գերիներ» սերիալի առաջին մանրամասները․ դերասանները՝ վնասվածքների, հոսանքահարվելու, քարանձավում քնելու եւ էքստրեմալ նկարահանումների մասին

ԼԱՅՖ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նոր ինտրիգային հեռուստասերիալ՝ էքստրեմալ պայմաններում ու անկանխատեսելի լուծումներով։ «Նոր Հայաստան» հեռուստաալիքով դեկտեմբերին կմեկնարկի ռեժիսոր Հայկ Վարդանյանի  «Գերիներ»՝ 24 մասից բաղկացած հեռուստապատմությունը՝ Անի Մաղաքյանի սցենարով ու հեռուստադիտողին հայտնի դերասանների մասնակցությամբ։ Ովքե՞ր են «գերիները», ինչպե՞ս են միմյանց հետ կապված, եւ որքանո՞վ են դժվար տրվել վտանգավոր նկարահանումները հերոսներին։ Հեռուստասերիալի հեղինակներն ու դերասանական կազմը բացառիկ մանրամասներով կիսվել են NEWS.am STYLE-ի հետ։ 

«Ֆիլմում հեռուստադիտողը կտեսնի սեր, դավաճանություն, միստիկա, ընկերություն, ավագ եւ երիտասարդ սերնդների բախում»․ ռեժիսոր Հայկ Վարդանյան 

4898c785-64d5-4c5b-a855-d81d3d0046f0.jpeg (51 KB)

«Գերիներ» սերիալը երիտասարդ ուսանողների մասին է, ովքեր որոշում են գնալ էքսկուրսիայի, սակայն, ինչ-ինչ պատճառներով, մնում են անտառում, մոլորվում են ու հայտնվում անելանելի վիճակում։ Ռեժիսոր Հայկ Վարդանյանի խոսքով՝ նախագիծը միստիկ դրամա է, որի սցենարը հետաքրքիր է հագեցած  կերպարներով, որոնցից յուրաքանչյուրն ունի իր պատմությունը․ «Մենք խոստանում ենք, որ մեր հեռուստադիտողը 24 սերիա նայելու է հետաքրքրությամբ ու սպասումով»,-ասում է նա։

Ստեղծագործական անձնակազմը նկարահանումները սկսել է դեռեւս հուլիս ամսից։ Եղել են Կիրովականում, Դիլիջանում, Քարինջ գյուղում, «շատ գեղեցիկ ու բարդ վայրերում, որտեղ հասնելն անգամ դժվար է եղել»։ Ռեժիսորի խոսքով՝ «սա ցույց է տալիս թե դերասանների, թե նկարահանող խմբի՝ լավ բան ստեղծելու պատրաստակամությունը»։

36197ed6-2238-4c7b-b340-72a87a96b794.jpeg (104 KB)

«Բավական երկար լսումների փուլ ենք ունեցել, փորձել ենք գտնել կերպարներին համապատասխան դերասանների, եւ ուրախությամբ կարող եմ ասել, որ գտել ենք։ Երիտասարդների կողքին կան նաեւ ավագ սերնդի սիրված դերասաններ, որոնք կարեւոր դերակատարում ունեն։ Ֆիլմում հեռուստադիտողը կտեսնի սեր, դավաճանություն, միստիկա, ընկերություն, ավագ եւ երիտասարդ սերնդների բախում, որտեղ ավագ սերնդի ներկայացուցիչները փորձելու են ճիշտ ուղուց շեղված երիտասարդներին ցույց տալ ճիշտ ճանապարհը»։

«Հերոսներին փոխում է  անտառը, կամ հակառակը՝ պատռում նրանց դիմակները»․ սցենարիստ Անի Մաղաքյան

364047139_7253575201337762_2800499656366028491_n.jpg (1.24 MB)

Սերիալի հերոսները հայտնվում են իրենց համար անսովոր ու վայրի պայմաններում, ինչն էլ առիթ է դառնում, որ բացահայտվեն նրանց ներքին ու իրական ապրումները, զգացմուքները եւ «ես»-ը, պատմում է սցենարիստ Անի Մաղաքյանը, որի հերոսներին փոխում է  անտառը, «կամ հակառակը՝ պատռում նրանց դիմակները»։ 

«Մի խումբ ուսանողներ են, նրանցից ոմանք հանդիպում են, ոմանք բախտի բերումով են հայտնվում նույն ընկերախմբում։ Շատ տարբեր բնավորություններով, տարբեր նախապատմություններ ունեցող հերոսներ են, ու ամենակրեւորը՝ բոլոր կերպարները ողջ սերիալի ընթացքում փոխվում են՝ բացահայտելով իրենց բոլորովին այլ տեսանկյունից»,-հավելում է սցենարիստը։ 

b223aec3-a406-428b-829c-4bd0b842955f.jpeg (165 KB)

Նրա խոսքով՝ այս սերիալի սցենարը գրելու պորցեսը տարբերվել է իր նախորդ նախագծերից․ «Երբեմն ստիպված ենք եղել գրել սյուժետային գծի ավարտը, հետո վերադառնալ ու լրացումներ անել, շատ են շեշտերը նաեւ ֆլեշբեքերի վրա, ինչը բարդացնում էր գործը։ Սյուժեի հարցում ոգեշնչման աղբյուր է եղել դեռ պատանեկությանս տարիներին կարդացածս գիրքը ՝ «Հովազաձորի գերիները»»։ 

Պատմության մանրամասները թողնելով կադրում՝ Անին խոստացավ լարված ու հետաքրքիր սյուժե՝ ընկերության, հավատի, վստահության, նվիրվածության ու «այս ամենի հակառակ կողմի մասին»։

Ֆիլմում հեռուստադիտղը կտեսնի մի շարք հայտնի դերասանների, այդ թվում՝ Մարինկա Խաչատրյանին, Սիսիան Սեփանյանին, Էրմինա Զախարովային, Ավետ Զոհրաբյանին, Լուիզա Մելքոնյանին, Էմմա Սապունջյանին, Հայկ Հովհաննիսյանին եւ Մարտին Բաբախանյանին։ Վերջինները NEWS.am STYLE-ի հետ կիսվել են իրենց փորձառությամբ։ 

«Հասցրել եմ հիվանդանալ, սայթաքել, ընկնել, ունեցել եմ վնասվածքներ․․․ բայց սիրով ենք աշխատել»․ Մարինկա Խաչատրյան

6fa915c1-345b-4635-8e74-85ecde99247a.jpeg (48 KB)

Մարինկա Խաչատրյանը ֆիլմում մարմնավորում է Լիլիթին՝ շատ ակտիվ աղջկա, որն, ըստ դերասանուհու, շատ համապատասխան է մեր այսօրվա իրականությանը․ «Կերպարս, կարծում եմ, կսիրվի իր անկեղծությամբ, բարությամբ․․․ Շատ բարի է ու բոլորի մասին անհանգստանում է։ Շատ նվիրված է իր սիրելիին, ու կարծում եմ՝ հեռուստադիտողը նույնքան կսիրի Լիլիթին, որքան ես եմ հասցրել սիրել նրան։ Նրա կյանքում փոփոխությունները սկսվում են, երբ նա հայտնվում է անտառում, դառնում է այլ մարդ՝ թե հոգեպես, թե արտաքուստ»,-պատմում է նա։ 

6d9e1fee-ae6d-4159-a554-0bfac9664358.jpeg (138 KB)

Ըստ Մարինկայի՝ նկարահանումներն անցել են բավական բարդ ու դժվար պայմաններում․ «Ամիսներ շարունակ մենք եղել ենք տարբեր էքստրեմալ վայրերում։ Ինձ համար սա առաջին նկարահանումն էր նման պայմաններում։ Երբ եթերում տեսնեն, կպատկերացնեն այդ դժվարությունները։ Շատ ցուրտ էր, նույնիսկ հասցրել եմ հիվանդանալ, սայթաքել, ընկնել, ունեցել եմ վնասվածքներ․․․ բայց սիրով ենք աշխատել այս նախագծի շուրջ, ու ես շատ մեծ սպասումներ ունեմ, որ այն կսիրվի նաեւ հեռուստադիտողի կողմից, եւ մեր չարչարանքները կգնահատվեն։ Կարծում եմ՝ շատերը սթորիներով էլ են հետեւել ընթացքին, բայց նկարահանման հրապարակում ամեն ինչ այլ կերպ էր՝ դժվար էր ոչ միայն դերասանների, այլեւ տեխնիկական անձնակազմի համար, եւ ամենակարեւորն այն էր, որ մեկս մյուսին օգնում էինք եւ աջակցում»։ 

«Այդ էքստրեմալ պայմանները ստեղծել են իրենց ուրույն մթնոլորտը»․ Սիսիան Սեփանյան

2fe6c3c6-136c-4744-b08d-ebe7b2169a02.jpeg (84 KB)

Սիսիան Սեփանյանի կերպարը Կարենն է․ «Երիտասարդ ուսանող է, ով իր ընտանիքի տան տղամարդն է: Ակտիվ կյանքով ապրող եւ սառը դատողություն ունեցող մարդ է»,-իր հերոսի մասին պատմում է դերասանը՝ հավելելով, որ այս կերպարն իր համար տարբերվեց եւ գրավեց իր կատարած որոշումներով։  

a9e34e8c-0c54-4106-a608-dd1b55fcdaa7.jpeg (122 KB)

«Առաջնահերթ ինձ գրավեց սյուժեն, մասնավորապես այնտեղ ներգրավված միստիկ դեպքերը: Դժվարություններից չեմ խոսի, բայց կարծում եմ, որ այդ էքստրեմալ պայմանները նաեւ ստեղծել են իրենց ուրույն մթնոլորտը, որը կտեսնենք պատմությունը դիտելիս»:

«Թաց վիճակում, նույնիսկ, հասցրել եմ հոսանքահարվել, ու դա իմ մասնակցությամբ ամենաարտառոց դեպքն է եղել նկարահանման հրապարակում»․ Էրմինա Զախարովա

db69eb11-3ec4-4fc4-b514-d906064273ca.jpeg (47 KB)

Էրմինա Զախարովայի հերոսուհին Իլոնան է։ «Կերպարս դեռահաս աղջիկ է, որը շատ էմոցիոնալ վիճակում է․ նա սիրահարվում է մի տղայի, ում համար պատրաստ է ամեն ինչի։ Ինձ համար նա առանձնահատուկ է հենց այդ զգացմունքայնությամբ, որը ես, որպես դերասանուհի, ստացել եմ նկարահանման հրապարակում՝ ռեժիսորի աշխատանքի շնորհիվ»։

Դերասանուհու խոսքով՝ սցենարն իրեն գրավել է նրանով, որ այնտեղ ցուցադրվում է այն, ինչ կատարվում է իրականում։ «Եվ մենք փորձում ենք ներկայացնել, որ դա վատ է։ Ես չեմ տեսել նմանատիպ նախագիծ։ Նկարահանումները դժվար են եղել, բայց ուզում եմ առանձնացնել իմ եւ Ավետի տեսարանը, երբ արդեն դրսում ցուրտ էր, իսկ մենք շատ բարակ հագուստով նկարահանվել ենք անձրեւի ներքո։ Մենք չունեինք սխալվելու հնարավորություն, եւ ինձ շատ ոգեւորում էին այնտեղ գտնվող մեր թիմակիցները, ովքեր հոգ էին տանում մեր մասին, շատ ուշադիր էին։ Ի դեպ, ես այդ թաց վիճակում, նույնիսկ, հասցրել եմ հոսանքահարվել, ու դա իմ մասնակցությամբ ամենաարտառոց դեպքն է եղել նկարահանման հրապարակում»,-պատմում է դերասանուհին։ 

Նրա կարծիքով՝ իր կերպարը կսիրվի, «քանի որ նա իր մեջ ունի անսահման սեր, մանկական է, էմոցիոնալ, անում է տարօրինակ ու խենթ քայլեր։ Ես նկարահանման հրապարակից շատ մեծ էմոցիաներ եմ վերցրել ու եւս մեկ անգամ համոզվել, որ սիրում եմ իմ մասնագիտությունը»։

«Սկզբից տեսնում ենք մեկ այլ մարդու, իսկ զարգացման ընթացքում բոլորովին ուրիշ մեկին»․ Ավետ Զոհրաբյան

cc5e4bbb-2541-424e-bf39-0225aa83c32b.jpeg (30 KB)

Ավետ Զոհրաբյանը մարմնավորում է Վարդանի կերպարը։ «Նա չափահաս, կյանքը սիրող ու կյանքի հաճույքներից մաքսիմում օգտվող երիտասարդ է, որն ամբողջ սերիալի ընթացքում կերպարային յուրահատուկ աճ է ունենում։ Կերպարս տարբերվում է նրանով, որ սկզբից տեսնում ենք մեկ այլ մարդու, իսկ զարգացման ընթացքում բոլորովին ուրիշ մեկին։ Սցենարը գրավեց նրանով, որ շատ արդիական է եւ շոշափում է այնպիսի թեմաներ, որոնք ժամանակակից երիտասարդության շրջանում շատ ակտուալ են»,-ասում է դերասանը։  

Ավետը եւս զերծ չի մնացել էքստրեմալ իրավիճակներից՝ չնայած իր տեսարաններն անտառում չեն նկարահանվել։ Դերասանը, նույնպես, առանձնացրեց անձրեւի տեսարանը․ «Երբեւէ նման փորձառություն չէի ունեցել։ Ամբողջ ստեղծագործական թիմին շատ սիրել եմ, միասին փորձել ենք ստանալ լավ աշխատանք, եւ կարծում եմ՝ հեռուստադիտողին եւս հետաքրքիր կլինի»։

«Սերիալը լարված կպահի ամբողջ ընթացքում»․ Լուիզա Մելքոնյան

dffef35d-9af3-4e1d-8111-2049fa880c34.jpeg (57 KB)

Լուիզա Մելքոնյանը սերիալում մարմնավորում է Մանոյին։ Նա ուսանողուհի է, որը գիրք է գրում։ «Առաջին հայացքից թվում է, թե խելացի է, հանգիստ ու հավասարակշռված, բայց տարբեր իրավիճակների բախվելով՝ անում է քայլել, որոնք զարմանք կամ հիասթափություն են առաջացնում»,-անդրադառնալով հերոսուհուն՝ պատմում է Լուիզան։ 

Դերասանուհու խոսքով՝ իր կերպարը տարբերվում է, քանի որ անընդհատ բացահայտվելով՝ անում է անսպասելի քայլեր․ «Բայց անկախ ամեն ինչից՝ չի հանձնվում ու ցանկանում է ավարտին հասցնել իր երազանքների գիրքը։ Սցենարն առաջին իսկ վայրկյաններից ինձ հետաքրքրեց, ու առանց դադարի ամբողջն ընթերցել եմ։ Ինձ դուր եկավ նրանով, որ այնտեղ անընդհատ առկա են իրավիճակային փոփոխություններ, տարբեր կերպարներ՝ հարուստ գունապնակներով, չի թողնի, որ հեռուստադիտողը հոգնի, լարված կպահի ամբողջ ընթացքում»։ 

32fe4931-eb69-4c01-ab51-a4b707e5c92e.jpeg (81 KB)

Լուիզային եւս չեն շրջանցել բարդ նկարահանումները, «բայց երբ սիրում ես աշխատանքդ ու անում ես այն սիրով, ապա ցանկացած դժվարություն հաղթահարելի է։ Մեր ամբողջ թիմը ոչ հանձնվում էր, ոչ էլ տրնտնջում։ Կարծում եմ՝ սա պարտադիր դիտելու նախագիծ է, եւ հույս ունեմ, որ մեր քրտնաջան աշխատանքը հեռուստադիտողը կգնահատի։ Ինձ համար ամեն բան այնքան հետաքրքիր էր․ անգամ քնել եմ քարանձավում, երբ մեկ րոպե ազատ ժամանակ եմ գտել»։ 

«Իրականում ես եւ իմ կերպարը շատ հեռու ենք միմյանցից»․ Էմմա Սապունջյան

e45dc382-fdd2-485e-84d1-55a992a00c03.jpeg (51 KB)

Վիկան կուրսեցիներից տարբերվում է իր ապրելակերպով, մտածելակերպով, ոճով՝ եւ այս ամենը՝ վատ առումով։ Նրան մարմնավորում է դերասանուհի Էմմա Սապունջյանը։ «Քանի որ Վիկան լուրջ կախվածություն ունի թմրանյութերից, կուրսեցիները նրա հետ չեն շփվում։ Կարծում եմ՝ նրա մեջ կան դեպրեսիվ նոտաներ։ Ինձ համար նրան մարմնավորելը հետաքրքիր էր, քանի որ իրականում ես եւ իմ կերպարը շատ հեռու ենք միմյանցից»,-պատմում է Էմման,-«Կարծում եմ՝ նա միակ կերպարն է, ում համար անտառում հայտնվելը լավ է լինում, քանի որ այնտեղ նա եւ գտնում է իրական սեր, եւ ազատվում է վատ սովորություններից»։ 

Էմմայի կարծիքով՝ պատմությունը հետաքրքիր է նրանով, որ բարձրացնում է թեմաներ, «որոնք մեր օրերում շատ արդիական են, դրանցից են՝ թմրամոլությունը եւ բուլինգը»։

Ի տարբերություն դերասաններից շատերի՝ Էմմա Սապունջյանը էքստրեմալ պայմաններն բազմիցս նկարահանվել է(«Փրկեք մեր հոգիները», «Արյունոտ խաղադրույք»․ հեղ․), «բայց այս դեպքում կառանձնացնեմ ցուրտը, քանի որ միշտ մրսում էի։

«Հերոսս առաջին հայացքից դրական կերպար չէ, բայց ունի շատ դրական գծեր ու մարդկային արժեքներ, որոնք ինչ-որ չափով մեռած են նրա մեջ»․ Հայկ Հովհաննիսյան

59f2d528-b811-45ed-a916-c6a7e5cf4001.jpeg (40 KB)

Ֆիլմում Հայկ Հովհաննիսյանին կտեսնեք Էդգարի կերպարով․ Հայկի խոսքով՝ «ակտիվ երիտասարդ է, ուսանող է, ունի հայր, որի հետ չի շփվում, բայց այդ մասին կիմանաք նախագիծը դիտելիս։ Հերոսս առաջին հայացքից դրական կերպար չէ, բայց ունի շատ դրական գծեր ու մարդկային արժեքներ, որոնք ինչ-որ չափով մեռած են նրա մեջ, բայց նախագծի ընթացքում, ինչ-ինչ պայմաններում, արթնանում են»։ 

Դերասանն ասում է՝ նկարահանումները եղել են հետաքրքիր ու հիշարժան։ «Եղել ենք տարբեր քաղաքներում, հիմնականում նկարահանվել ենք սարերում, ձորերում, քարանձավներում, ու այդ ամենն արդեն հետաքրքիր էր ու տարբերվող։ Հիշվող են, գրեթե, բոլոր օրերը»։ 

«Պարտադիր դիտելու ֆիլմ է, որը մտածելու տեղիք կտա»․ Մարտին Բաբախանյան

d0f5caeb-7dc2-43ac-be27-747abad47716.jpeg (39 KB)

Դերասան Մարտին Բաբախանյանը մարմնավորում է Արամին։ «Հետաքրքիր է նրանով, որ որտեղ հերոսները հավատան Արամին, հեռուստադիտողն էլ կհավատա, որտեղ ոչ՝ հեռուստադիտողն էլ չի հավատա, քանի որ, իսկապես, այդպիսի կերպար է՝ ազնիվ, բարի, պարզ, հասարակ կյանքով ապրող։ Նման մարդիկ մեր օերում, սովորաբար, աչքի չեն ընկնում հաղթանակներով, բայց այս պարագայում Արամի կերպարը կզարմացնի բոլորին»։ 

Դերասանը դետեկտիվ ժանրի սիրահար է, ինչով էլ սցենարն առաջնահերթ գրավել է նրան։ «Բացի այդ, այսօրվա խնդիրներն են բարձրաձայնվում, ինչը հաճախ չի հանդիպում հեռուստատեսությամբ։ 

Նկարահանումները էքստրեմալ էին՝ քարանձավում, անտառում, որտեղ լսվում էին կենդանիների ձայներ․․․ Բարդ էր, բայց այդ ամենը կորում է, երբ աշխատում ես սիրով, իսկ մեր թիմում բոլորն էին սիրով աշխատում։ Սա պարտադիր դիտելու ֆիլմ է, որը մտածելու տեղիք կտա»։

Սյունե Առաքելյան

Հարյուրավոր հասցեներում լույս չի լինելու նոյեմբերի 17/18-ինՔուշները և Ուիթքոֆը եվրոպացիների հետ քննարկել են Ռուսաստանի և ԵՄ-ի միջև երկխոսության հաստատումըՄենք գիտենք՝ ինչպես հաղթել, բայց գիտենք նաև ինչպես արժանապատվորեն պարտվել․ Լուիս դե լա ՖուենտեԲաքվի ճարտարապետական դիմագծի կերտողը հայ էԶորակոչի տարիքային շեմը կփոխվի․ ում կվերաբերի նախագիծըԵրևանը մերժում է «Ալիևյան Սահմանադրությունը». Հայաստանի Սահմանադրության ճակատագիրը որոշելու են հայերը, ոչ թե Ադրբեջանը. Ուժեղ ՀայաստանԱԺ փոխնախագահ Արամ Վարդևանյանը ԵԽ գրասենյակի ղեկավարի հետ քննարկել է ընդդիմության նկատմամբ շարունակվող քաղաքական հետապնդումներըԹրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցումԵրևանում՝ Մալաթիա տոնավաճառի մոտ, բախվել են «Ferrari»-ն և «BMW»-նՀԱՊԿ քարտուղարը քննարկել է կազմակերպության պատասխանատվության գոտում տիրող ռազմաքաղաքական իրավիճակըԲախվել են «Howo», «Renault» բեռնատարներն ու «Opel Astra»-ն․ 3 վիրավորներից երկուսը անչափահասներ են«Փարաջանով Քլաբ Հաուս»-ը ներկայացրել է իր բացառիկ նախագիծը «Տուն Էքսպո»-ումՀանրապետությունում ձյուն է տեղում․ ի՞նչ իրավիճակ է ավտոճանապարհներինԱրսեն Գևորգյանի մահվան ամբողջ պատասխանավտությունը մինչև իր կյանքի վերջ կրելու է Նիկոլ Փաշինյանը․ Հարություն ՀարությունյանՍտալինն ու Սադամ Հուսեյնը կնախանձեին Փաշինյանին․ Ուժեղ Հայաստան«Բարգավաճ Հայաստան» կուսակցությունը նոյեմբերի 15-17-ը մասնակցում է Մոսկվայում անցկացվող «Հանուն ազգերի ազատության» («За свободу наций») միջազգային համաժողովին․ Իվետա ՏոնոյանԵրիտասարդները՝ հանքարդյունաբերության իրական խնդիրների լուծման ճանապարհին․ ԶՊՄԿ-ն՝ CaseKey 2026-ումՑույց տվեք Ադրբեջանի որևէ օրենք, որը վերաբերում է Ղարաբաղին. Արշակ ԿարապետյանՄենք թույլ չենք տա Ալիևի պարտադրած Սահմանադրության ընդունումը․ Ուժեղ ՀայաստանՄեր ժողովուրդը երբեք չի մոռանալու Արցախն ու մեր անցյալը. Ավետիք ՉալաբյանՊարտքերի մեջ հայտնված քաղաքացիները չպետք է մնան միայնակ․ ի՞նչ պետք է անի պետությունը. Հրայր Կամենդատյան«Դադարեցրե՛ք Հայաստանը ազատությունը քաղաքական հավատարմությամբ պայմանավորող կալանավայր դարձնելու փորձերը». Աննա ԿոստանյանՎրաստանը հրաժարվել է մասնակցել ԵՄ նախարարական հանդիպմանը, քանի որ հրավիրվել է միայն երկրի դեսպանը Զանգեզուրի պղնձամոլիբդենային կոմբինատը շարունակում է աջակցել CaseKey կրթական նախաձեռնությանըՍահմանադրությամբ մարդը բարձրագույն արժեք է, բայց իրական կյանքում այդ սկզբունքը չի գործում. Արամ ՎարդևանյանՖուչիկի փողոցը կանվանափոխվի Հայաստանի քննչական կոմիտեի նախագահը պաշտոնական այցով մեկնել է Իրան Մենք միավորվել ենք՝ հանուն մեր արժեքների, ինքնիշխանության և ժողովրդավարության պաշտպանության. տեսանյութՀամալսարանից ազատվում են դասախոսներ իրենց քաղաքական հայացքների համար. Մենուա ՍողոմոնյանԼավ լուր՝ մինչև 200 հազար դրամ աշխատավարձ ստացողների համար․ Ավանեսյանը՝ մանրամասնում է Լավրովն ու Արաղչին քննարկել են Մերձավոր Արևելքի կարգավորումը Պիտի օրենք փոխվի, որ ամեն դատարան չկարողանա համատարած կալանք կիրառի մեր հանդեպ. Ավետիք ՉալաբյանՍպասվում է գյուղմթերքի գների շեշտակի բարձրացում, քանի որ ունենք արտահանման դեֆիցիտ. Հրայր Կամենդատյան35-ամյա կինը իր աղանդի պատճառով առևանգել և զոհաբերել է իր քրոջ երեխայինՄեդվեդևը խոսել է ընտրական գործընթացների վրա արտաքին ազդեցության մասին՝ հիշատակելով նաև Հայաստանը Բերդկունքում բախվել են «Hongqi»-ն ու «Volkswagen»-ը. կա վիրավnր Քաղաքական հետապնդումների նպատակը հասարակությանը վախի մթնոլորտում պահելն է՝ Ալիևի պարտադրած Սահմանադրությունն ընդունելու համար. տեսանյութՊետությունը ձեզ համար հոր տնից բերված օժիտ չէ, որ մաշված շորի պետ դեն նետեք. Աննա ԿոստանյանԻրանի ԱԳՆ ներկայացուցիչը Իսրայելին մեղադրել է ապատեղեկատվական արշավ իրականացնելու մեջ Ադրբեջանական հեռուստաալիքը կարևորել է Թուրքիայի դերը 44-օրյա պատերազմում Սպասվում է կարճատև անձրև. ջերմաստիճանը կնվազի 3-5 աստիճանով Մասկը և տեխնոլոգիական ոլորտի առաջատար այլ դեմքեր բաց նամակով հորդորում են Հուանգին վերականգնել Nvidia-ի գլխավոր տնօրենի պաշտոնում Արսեն Գևորգյանը բանտարկվեց իր համոզմունքների համար, իսկ երեք շաբաթ անց ընտանիքին վերադարձվեց դագաղով. Իրինա ՅոլյանԵՄ-ն պատժամիջnցներ է սահմանել Wildberries-ի հիմնադիր Տատյանա Կիմի դեմ Աշխարհի առաջատար համալսարաններում սովորողների զորակոչի տարիքային շեմը կփոխվի՝ կսահմանվի 32 տարեկան․ նախագիծ Կասեցվել է «ԻԳԻԹ»-ի թթվասերի արտադրամասի գործունեությունը․ հայտնաբերվել են սանիտարահիգիենիկ խախտումներ Երբ իշխանության թիրախում հայտնվում են երեխաները․ Աննա Կոստանյան Ղարաբաղից տեղահանվածների բնակապահովման ծրագրի հավաստագրերի ժամկետը երկարաձգվել է ևս 6 ամսով Իշխանությունները շարունակում են խեղաթյուրել հայոց պատմությունը. Մենուա ՍողոմոնյանՔՊ-ի ներկայացուցիչնե՛ր, վախեցե՛ք, որ ձեր երեխաները ապագայում Արցախի կորստի համար մեղադրելու են ձեզ. Ցոլակ Ակոպյան