Պարեկները խախտում չեն արել․ փոխնախարարը՝ Կապանի միջադեպի մասին
ՀԱՍԱՐԱԿՈՒԹՅՈՒՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Թյուր կարծիք է, որ պարեկների աչքի առաջ է տեղի ունեցել մահը և նրանք միջամտություն ցույց չեն տվել։
Այս մասին Կառավարության նիստից հետո լրագրողների հետ ճեպազրույցի ժամանակ հայտնեց Ներքին գործերի նախարարի տեղակալ Արփինե Սարգսյանը՝ խոսելով Կապանում պարեկների մասնակցությամբ միջադեպից։
Նա մանրամասնեց, որ քաղաքացին բաժնում է տեղեկացել, որ հայրը մահացել է։
«Եթե կարիք լինի տեսաձայնագրությունները տրամադրելու, մենք որևէ խնդիր չունենք։ Քաղաքացին չի ենթարկվել պարեկների օրինական պահանջին, ընդ որում, մի քանի անգամ։
Հետագայում օրինական կերպով ձերբակալվել է»,- ասաց փոխնախարարը՝ վստահեցնելով, որ պարեկները գործել են իրավաչափ։
Հիշեցնենք, որ տարածված տեղեկությունների համաձայն՝ Կապանում պարեկները մեքենան տևական ժամանակ վարել են քաղաքացի Ռազմիկ Մարտիրոսյանի հետևից, հասել մինչև տան բակ ու կանգնեցրել վարորդին։ Մեքենայի գույքահարկը չվճարելու համար պարեկների ու քաղաքացու միջև վիճաբանություն ու քաշքշուկ է տեղի ունեցել։
Որդու նկատմամբ կատարված բռության տեսարանի երիտասարդի հոր ինքնազգացողությունը վատացել էր և մահացել է։