ՊԱՏՄՈՒԹՅԱՆ ԱՅՍ ՕՐԸ (30 ՆՈՅԵՄԲԵՐԻ). Ցուցարարները փակել են Մաշտոցի պողոտան, տեղի է ունեցել առաջին միջազգային ֆուտբոլային հանդիպումը․ «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Տեղեկատվության պաշտպանության միջազգային օր, Բարբադոս և Եմեն՝ Անկախության օր, Շոտլանդիա՝ Սուրբ Անդրեյի օր:

ՀԱՅ-ՀԱՅԱՍՏԱՆ

1808 -գեներալ-ֆելդմարշալ Իվան Գուդովիչը, որը հոկտեմբերի 9-ից պաշարել էր Երևանի բերդը, վերացրել է պաշարումը։

1815 –ծնվել է գրական-հասարակական գործիչ Սերվիչե-Սերովբե Վիչենյանը:

1823– վախճանվել է ականավոր պատմաբան, քերականագետ, լեզվաբան, աստվածաբան և մանկավարժ, Մխիթարյան միաբանության անդամ Միքայել Չամչյանը:

1837 - ծնվել է դերասան, դրամատուրգ Ռոմանոս Սետեֆճյանը:

1859 –վախճանվել է արևմտահայ նշանավոր տնտեսագետ Նիկողայոս Զորայանը։

1920 - Հայաստանի խորհրդայնացման առիթով Հայհեղկոմը շնորհավորական նամակներ է ստացել Ադրբեջանի խորհրդային կառավարության ղեկավար Նարիմանովից և քեմալական բանակի Արևել յան ռազմաճակատի հրամանատար գեներալ Քյազիմ Կարաբեքիրից։ Ադրբեջանի խորհրդային կառավարությունը Արցախը ճանաչել է Հայաստանի անբաժան մաս։

1933 - լրիվ կարողությամբ շարք է մտել ՁորաԳԷՍը։

1960 - Երևանում բացվել է ՀԽՍՀ հեղափոխության պետական թանգարանը։

1960 - վախճանվել է նկարիչ Վահրամ Գայֆեճյանը:

1965 - Սոֆիայում տեղի է ունեցել հայկական մշակույթի տասնօրյակի հանդիսավոր բացումը։

1985– վախճանվել է ֆրանսահայ երգիչ, երգահան և բանաստեղծ Մարկ Արյանը:

1991 - վախճանվել է հայ խորհրդային ֆիտոֆիզիոլոգ Միքայել Չայլախյանը։

2004- հայ-իրանական սահմանին տեղի է ունեցել Իրան – Հայաստան գազամուղի շինարարության սկզբի հանդիսավոր արարողությունը, և շահագործման է հանձնվել Ագարակ – Շինուհայր էլեկտրահաղորդման բարձրավոլտ երկրորդ գիծը:

2006-Արգենտինայի խորհրդարանը հաստատել է օրինագիծ, որով ապրիլի 24-ը հռչակվել է ժողովուրդների միջև հանդուրժողականության և հարգանքի օր՝ ի հիշատակ հայ ժողովրդի ցեղասպանության:

2007-սկսել է գործել «Հատուկ քննչական ծառայության մասին» օրենքը:

2010-Լեռնային Ղարաբաղում սկսվել է ավտոմեքենաների պարտադիր ապահովագրման գործընթացը:

2020- Նիկոլ Փաշինյանի հրաժարականի պահանջով քաղաքացիները, «Նիկոլ, դավաճան» վանկարկելով, փակել են Մաշտոցի պողոտան։

2022- Ֆրանսիայի Ազգային ժողովը միաձայն ընդունել է Հայաստանին աջակցող և Ադրբեջանի նկատմամբ պատժամիջոցներ առաջարկող բանաձև:

ԱՇԽԱՐՀ

1609 -Գալիլեո Գալիլեյը կազմել է Լուսնի մակերևույթի առաջին քարտեզը:

1700 -տեղի է ունեցել Նարվայի ճակատամարտը Պետրոս Մեծի գլխավորած ռուսական բանակի և Կարլ 12-րդի գլխավորած շվեդական բանակի միջև:

1825– ծնվել է ֆրանսիացի նկարիչ Ուիլ յամ Բուգրոն:

1835 - ծնվել է ամերիկացի գրող, լրագրող Մարկ Տվենը:

1853– Սև ծովում տեղի է ունեցել Ղրիմյան պատերազմի նշանավոր մարտերից մեկը՝ Սինոպյան ճակատամարտը՝ Ռուսական Կայսրության և Սարդինյան թագավորության միջև:

1872– Շոտլանդիայի մայրաքաղաք Գլազգոյում տեղի է ունեցել առաջին միջազգային ֆուտբոլային հանդիպումը Շոտլանդիայի և Անգլիայի ֆուտբոլի ազգային հավաքականների միջև, որը ավարտվել է 0:0 հաշվով:

1874– ծնվել է անգլիացի քաղաքական և պետական գործիչ, Միացյալ Թագավորության վարչապետ Ուինսթոն Չերչիլը:

1876 -Պավել Յաբլոչկովը արտոնագրել է տրանսֆորմատորը:

1912 -արտիստական «Թափառական շուն» նկուղում տեղի է ունեցել Մայակովսկու առաջին հանրային ելույթը:

1931 -Լուգանսկում արտադրվել է առաջին «Ֆելիքս Դզերժինսկի» սերիայի ծանր բեռնափոխադրող շոգեքարշը:

1939– սկսվել է Խորհրդա-ֆիննական պատերազմը:

1954 -ամերիկուհի Էնի Էլիզաբեթ Հոջեսը վիրավորվել է մետեորիտի կտորից. սա արտերկրային օբյեկտի կողմից մարդու վնասվածք ստանալու առաջին փաստագրված դեպքն է:

1965– ծնվել է ամերիկացի կատակերգակ դերասան, ռեժիսոր, պրոդյուսեր և սցենարիստ Բեն Սթիլերը:

1982 -թողարկվել է Մայքլ Ջեքսոնի՝ երաժշտության պատմության մեջ ռեկորդային քանակով վաճառված Thriller ալբոմը:

2009 - վախճանվել է պոստմոդեռնիզմի և մոգական ռեալիզմի ներկայացուցիչ, 17-19-րդ դարերի սերբական գրականության պատմագիր, հարավսլավացի և սերբ բանաստեղծ, արձակագիր, թարգմանիչ Միլորադ Պավիչը:

2013– վախճանվել է ամերիկացի դերասան Փոլ Ուոքերը, որը հայտնի է դարձել «Ֆորսաժ» ֆիլմաշարից:

2015 - վախճանվել է ռուս ռեժիսոր, սցենարիստ, բանաստեղծ Էլդար Ռյազանովը:

2021 -Բարբադոսը դարձել է հանրապետություն:

2022 -վախճանվել է Չինաստանի կոմունիստական կուսակցության կենտկոմի գլխավոր քարտուղար (1989-2002), Չինաստանի նախագահ (1993-2003) Ցզյան Ցզեմինը:

Մանրամասները՝ «Փաստ» օրաթերթի այսօրվա համարում