ՊԱՏՄՈՒԹՅԱՆ ԱՅՍ ՕՐԸ (12 ԴԵԿՏԵՄԲԵՐԻ)․Կեղծ բնապահպանների «ակցիայով» սկիզբ է դրվել Արցախի շրջափակմանը․ «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Քենիա՝ Անկախության օր, Ռուսաստան՝ Սահմանադրության օր, Թուրքմենիա՝ Թուրքմենիայի չեզոքության օր, Ուկրաինա՝ Դաշտային զորքերի օր:

ՀԱՅ-ՀԱՅԱՍՏԱՆ

1888– վախճանվել է Ռուսական Կայսրության հայազգի ռազմական և պետական գործիչ Միքայել Լորիս-Մելիքովը:

1902 –ծնվել է կոմպոզիտոր և դիրիժոր Ռուբեն Ստեփանյանը:

1913 - ծնվել է գրող Բենիկ Սեյրանյանը:

1914 - ծնվել է բանաստեղծ, արձակագիր, լրագրող Վահան Արամունին։

1918- Թիֆլիսում կայացել են հայ-վրացանգլիական եռակողմ բանակցություններ, կայացել է համաձայնություն Վրաստան անգլիական զորք մտցնելու մասին:

1922 - ծնվել է ֆիզիկոս Էմիլ Միրզաբեկյանը:

1936– Երևանում բացվել է «Մոսկվա» կինոթատրոնը:

1937-կայացել են ԽՍՀՄ Գերագույն խորհրդի ընտրություններ։ Հայկական ԽՍՀ-ից ընտրվել է 4 պատգամավոր՝ Միության պալատի, և 25 պատգամավոր՝ Ազգությունների պալատի համար։

1940 - վախճանվել է վրացական թատրոնի հայազգի դերասանուհի Մակո ՍափարովաԱբաշիձեն:

1955 - ծնվել է նկարիչ Սարգիս Գարուկյանը:

1992 – վախճանվել է նկարիչ, ոսկերիչ-արծաթագործ Ժիրայր Չուլոյանը:

2001-«Թուրք-հայկական հաշտեցման հանձնաժողովի» հայ մասնակիցները հրաժարվել են մասնակցել հանդիպումներին:

2004-«Երկրապահ» կամավորականների միության (ԵԿՄ) հերթական համագումարում ընտրված նոր վարչության կազմում բացակայել են ընդդիմադիր գործիչները՝ Հակոբ Հակոբյանը, Սասուն Միքայել յանը, Մուրադ Կիրակոսյանը, Ալբերտ Բազեյանը և Մուշեղ Սաղաթել յանը:

2020- ադրբեջանական կողմը վերսկսել է հարձակողական գործողությունները Արցախի Հանրապետության Հադրութի շրջանի Հին Թաղեր և Խծաբերդ բնակավայրերի ուղղությամբ: Գյուղերից մեկն՝ ամբողջությամբ, մյուսը՝ մասամբ, անցել են ադրբեջանցիների վերահսկողության տակ:

2022-Քաղաքացիական հագուստներով մի խումբ ադրբեջանցիներ, կրկին բնապահպանական պատճառաբանությամբ, առավոտյան ժամը 10:30-ի հատվածում փակել են Ստեփանակերտ-Գորիս մայրուղին: Սկսվել է Արցախի շրջափակումը:

ԱՇԽԱՐՀ

627– տեղի է ունեցել Նինվեի ճակատամարտը Բյուզանդական Կայսրության և Սասանյան Պարսկաստանի միջև:

1098 – Առաջին խաչակրաց արշավանքի ժամանակ Բոեմունդ Տերենտսկու և Ռայմունդ Սեն-Ժիլսկու գլխավորած խաչակիրների բանակը գրավել է սիրիական Մաարրետէն-Նուումանի ամրոցը:

1761 –ծնվել է քանդակագործ, Լոնդոնի մոմե արձանիկների թանգարանի հիմնադիր Մարիա Տյուսոն:

1766 –ծնվել է ռուս գրող, պատմագիր Նիկոլայ Կարամզինը:

1787– Փենսիլվանիան դարձել է ԱՄՆ-ի 2-րդ նահանգը:

1821 –ծնվել է ֆրանսիացի գրող Գուստավ Ֆլոբերը:

1849 –վախճանվել է ֆրանսիացի ինժեներ Մարկ Բրունելը, որը կառուցել է առաջին թունելը Թեմզա գետի տակով:

1881 –ծնվել է ամերիկացի գյուտարար Վինսենթ Հյուգո Բենդիկսը, որն ստեղծել է ավտոմոբիլային գործարկիչը՝ ստարտերը:

1911– Դելլին դարձել է Հնդկաստանի մայրաքաղաքը. մինչ այդ մայրաքաղաք է եղել Կալկաթան:

1917– ալպիական Սեն-Միշել-դե-Մորեն կայարանում գնացքի վթարի և առաջացած հրդեհի պատճառով զոհվել է իտալական ճակատից Ֆրանսիա վերադարձող մոտ 700 ֆրանսիացի զինվոր:

1925 –ծնվել է ռուս կոմպոզիտոր Վլադիմիր Շաինսկին:

1928 - ծնվել է ղրղըզ արձակագիր Չինգիզ Այթմատովը։

1935 –Իրանի շահ Ռզա Փեհլևին պաշտոնապես թագադրվել է:

1939 –խորհրդա-ֆիննական պատերազմի ընթացքում Տոլվայարվիի ճակատամարտում ֆիննական բանակը պարտության է մատնել խորհրդային բանակին: – վախճանվել է համր կինոյի ժամանակաշրջանի ամերիկացի դերասան, սցենարիստ և պրոդյուսեր Դուգլաս Ֆերբենքսը:

1961 –ԱՄՆ-ում տիեզերք է ուղարկվել առաջին ռադիոսիրողական OSCAR-1 արբանյակը:

1963 – Քենիան անկախացել է Մեծ Բրիտանիայից:

1985 –վախճանվել է «The Rolling Stones» խմբի ստեղծողներից մեկը՝ շոտլանդացի ստեղնաշարային գործիքների վարպետ կատարող Իեն Ստյուարդը:

1991 –կազմավորվել է հանրահռչակ ռուսական «Լիցեյ» երաժշտական խումբը:

1995 –Կամրանյուի (Վիետնամ) շրջանում ռուսական պիլոտաժային «Ռուս վիտյազներ» խմբի երեք Су-27-եր բախվել են լեռանը, զոհվել է 4 օդաչու:

2008-Շվեյցարիան միացել է Շենգենյան գոտուն և դարձել այդ անվիզա մուտքի կազմակերպության 25-րդ անդամ երկիրը:

2016-սիրիական պատերազմի ժամանակ կառավարական ուժերի կողմից Հալեպը ազատագրվել է գրոհայիններից:

2020-վախճանվել է խորհրդային և ռուսական թատրոնի և կինոյի դերասան, ռեժիսոր, բանաստեղծ և գրող Վալենտին Գաֆտը:

Մանրամասները՝ «Փաստ» օրաթերթի այսօրվա համարում