Մոսկվան և Մինսկը Եվրասիայում անվտանգության ճարտարապետություն կկառուցեն․ Լավրով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի 

Ներկա պայմաններում Ռուսաստանն ու Բելառուսը իմաստ չեն տեսնում արևմտյան երկրների հետ տարածաշրջանային կայունության հարցերը քննարկելու համար, Մոսկվան և Մինսկը Եվրասիական տարածաշրջանում անվտանգության ճարտարապետություն կկառուցեն, ասել է ՌԴ արտգործնախարար Սերգեյ Լավրովը։

«Ներկայիս միջազգային իրավիճակի ֆոնին մենք հատուկ ուշադրություն ենք դարձնելու եվրոպական անվտանգության համակարգի ձևավորման հեռանկարներին, հենց այն, որի ճգնաժամը հստակ դրսևորվեց Մակեդոնիայում վերջերս տեղի ունեցած իրադարձության ժամանակ (ԵԱՀԿ Նախարարների խորհուրդ): Հավաքական Արևմուտքը, ներառյալ նրա հրահրած ուկրաինական ճգնաժամը, փաստորեն փլուզեցին Եվրոպայում անվտանգության ողջ համակարգը, և արևմուտքցիները վերջապես թաղեցին անվտանգության հավասարության և անբաժանելիության սկզբունքը։

ՆԱՏՕ-ն մեծացնում է իր ռազմական ակտիվությունը Միութենական պետության արևմտյան սահմաններում։ Նման պայմաններում այս փուլում տարածաշրջանային կայունության ապահովման շուրջ արեւմտյան երկրների հետ ընդհանուր մոտեցումների մասին խոսելն անիմաստ է, անհնար է։ Հետևաբար, խնդիր է դրված ստեղծել կայուն անվտանգության ճարտարապետություն և համագործակցություն ողջ Եվրասիայում՝ կառուցողական մտածողությամբ պետությունների հետ միասին և հենվելով գոյություն ունեցող ինտեգրացիոն ասոցիացիաների վրա»,- ասել է Լավրովը։