Քաղցկեղի 20 նախանշաններ, որոնք չի կարելի անտեսել

168.am–ը գրում է.

Անընդհատ կապի մեջ լինելով ձեր մարմնի հետ՝ կսկսեք ավելի լավ հասկանալ օրգանիզմի ուղարկած նախանշանները, ինչը շատ կարևոր է առողջության պահպանման համար: Հիվանդության նախանշաններն անտեսելը հեշտ է, հատկապես, եթե զբաղված եք աշխատանքի վայրում կամ ընտանեկան հարցերով: Այնուամենայնիվ, գոյություն ունեն 20 նախանշաններ, որոնք պարզապես չի կարելի  անտեսել:

1. Մեջքի ցավեր: Եթե անդադար մեջքի ցավեր ունեք, հնարավոր է՝ դա լյարդի քաղցկեղի նախանշան լինի:

2. Ավշային հանգույցների այտուցներ- Ավշային հանգույցներն այտուցվում են, երբ հիվանդ ենք: Եթե նկատել եք, որ դրանք ձեզ մոտ հաճախակի են այտուցվում, անպայման դիմեք բժիշկի, հնարավոր է՝ ավշային համակարգի խնդիրներ ունեք:

3. Հոգնածություն-  Հաճախակի հոգնածությունը կարող է նշան լինել, որ օրգանիզմում քաղցկեղածին բջիջներ կան:

4. Տարօրինակ ցավեր– Կանոնավոր տարօրինակ ցավերը կարող են  մի քանի տեսակի քաղցկեղների նախանշան լինել: Եթե այսպիսի նախանշան եք նկատել, անպայման դիմեք բժշկի:

5. Ուտելու անկարողություն- Ձվարանների քաղցկեղը կարող է ստամոքսի խնդիրներ առաջացնել,  հատկապես նվազեցնել ուտելու ցանկությունը:

6. Հաճախակի արյունահոսութուն- Եթե չափազանց հաճախ եք արյունահոսում, կամ դժվարությամբ եք այն դադարեցնում, հնարավոր է՝ խնդիրներ ունեք արյան գնդիկների հետ:

7. Հաճախակի փքվածություն-  Միշտ չէ, որ փքվածությունն անվնաս է, հաճախ սա կապված է ձվարանների քաղցկեղի հետ:

8. Քաշի հանկարծակի կորուստ- Գոյություն ունեն մարսողական համակարգի քաղցկեղի մի քանի տեսակներ, որոնք կարող են քաշի հանկարծակի կորստի պատճառ դառնալ, քանի որ ձեր օրգանիզմը չի կարողանում հստակ կերպով մարսել սննդարար տարրերն ու կալորիաները:

9. Կրծքի կարմրություն-  Կրծքի քաղցկեղն ամենատարածվածներից մեկն է, որը հայտնաբերվում է կանանց մոտ: Յուրաքանչյուր քրտնարտադրություն կամ կարմրություն կարող է կրծքագեղձի քաղցկեղի նախանշան լինել, անմիջապես դիմեք բժշկի:

10. Հետանցքային  արյունահոսություն– Աղիքային քաղցկեղն ամենաարագ զարգացող քաղցկեղի տեսակն է: Հիմնական նախանշանը հետանցքային արյունահոսությունն է:

11. Սրտխառնոց- Ստամոքսի յուրաքանչյուր խնդիր, որն անընդհատ կրկնվում է, ներառյալ՝ սրտխառնոցը, կարող է մարսողական համակարգի քաղցկեղի նշան լինել:

12. Եթե դժվարություններ եք նկատում սնունդը կուլ տալուց, անպայման դիմեք բժշկի, քանի որ հնարավոր է՝ սա կոկորդի քաղցկեղի նախանշան է:

13. Կրծքի պտուկների փոփոխություն- Կրծքագեղձի քաղցկեղի հստակ նախանշան է պտուկների փոփոխությունը:

14. Մաշկային գնդեր, որոնք ոչ մի կերպ չեն վերանում- Մաշկային յուրաքանչյուր փոփոխություն, որը ոչ մի կերպ չի վերանում, մաշկի քաղցկեղի նախանշան կարող է լինել:

15. Հազ/ կրծքավանդակի ցավ- Պատահական հազը սովորական երևույթ է, հատկապես՝ սառը եղանակին: Սակայն, կրծքավանդակի հաճախակի ցավերն ու անդադար հազը, լեյկեմիա տեսակի քաղցկեղի նախանշաններ կարող են լինել:

16. Դեմքի այտուցներ- Այն մարդիկ, ում մոտ թոքերի քաղցկեղ է հայտնաբերվել, դեմքի հաճախակի ատուցներ են ունենում:

17. Շնչառության վատացում- Թոքերի քաղցկեղը կարող է ազդել մի քանի կերպ, դրանցից մեկը շնչառության վատացումն է:

18. Եղունգների փոփոխություն– Եթե եղունգները փոխում են իրենց գույնը, անպայման դիմեք բժշկի, հնարավոր է՝ մաշկի կամ թոքերի քաղցկեղ ունեք:

19. Եթե հաճախակի եք ջերմում կամ վիրուսներով վարակվում, նշանակում է՝ պետք է ուշադրություն դարձնեք առողջությանը, հնարավոր է՝ սրանք լեյկեմիա տեսակի քաղցկեղի նշաններ են:

20. Ցիկլի խախտում- Եթե ցիկլն անկայուն է, պետք է դիմել բժշկի, սա կարող է արգանդի քաղցկեղի նախանշան լինել: