Պետություն-մասնավոր համագործակցության նոր «բողբոջներ»
ԲԼՈԳԱրմեն Վարդանյանը ֆեյսբուքյան իր էջում գրում է.
Ինչպես տեսնում ենք` վերջին շրջանում գործադիրն էլ ավելի է ակտիվացրել արտահանման խրախուսմանն ուղղված քայլերը: Արտահանման աջակցման խորհուրդ ձևավորելու հետ մեկտեղ, գործադիրը նաև ակտիվորեն ոլորտի խնդիրները քննարկում է տնտեսվարողների հետ, ինչը խիստ կարևոր է: Պարզից էլ պարզ է, որ տնտեսավարողների հետ գործընկերային, փոխադարձ վստահության վրա հիմնված հարաբերությունների կառուցումը, կարճ ժամանակում շոշափելի արդյունք կապահովի:
Ինչպես գիտենք՝ գործարարների հետ ունեցած վերջին հանդիպմանը վերջիններս մտահոգություն էին հայտնել էներգակիրների գների վերաբերյալ և խնդրել պետության աջակցությունն այդ հարցում:
Գաղտնիք չէ, որ ապրանքների գնագոյացման մեջ զգալի ազդեցություն ունեն էներգակիրները, ուստի դրանց սակագների նվազեցումը կիջեցնի հայրենական ապրանքների գինը և դրանք առավել մրցունակ կդարձնի արտերկրում: Այսինքն ստացվում է, որ տեղական արտադրղներն իրենց ապրանքների արտահանման ծավալների ավելացման հիմնական ճանապարհը համարում են էներգակիրների՝ մասնավորապես գազի գնի իջեցումը: Անշուշտ դա կխթանի տնտեսությունը ոչ միայն արտահանման ավելացման իմաստով, այլև տեղական սպառման ծավալների ավելացման արդյունքում: Բնականաբար դա իր հերթին կբերի աշխատատեղերի ավելցման և գործազրկության կրճատման:
Հարկ է նշել նաև, որ եթե գործադիրին հաջողվի Ռուսաստանի Դաշնության հետ պայմանավորվածություն ձեռք բերել գազի սակագնի ռուբլով հաշվարկման վերաբերյալ, մեր տնտեսվարողների համար բավականին լավ պայմաններ կստեղծվեն: