Դեկտեմբերին ՀՀ աշխատանքի և սոցիալական հարցերի նախարարությունը քաղաքացիներից ստացել է 804 դիմում

 ՀՀ աշխատանքի և սոցիալական հարցերի նախարարությունում գրանցված քաղաքացիների դիմումների ընդհանուր թիվը 2015 թվականի դեկտեմբերի ընթացքում կազմել է 804, նախարարություն այցելած քաղաքացիների թիվը 294, որոնցից 126-ի կողմից ներկայացվել է բանավոր և 168-ի կողմից՝ գրավոր դիմում:

Ինչպես  տեղեկացրին ՀՀ աշխատանքի և սոցիալական հարցերի նախարարության հասարակայնության հետ կապերի բաժնից, բանավոր դիմումներում գերակշռող մաս են կազմել ավանդի փոխհատուցման` 34 (28%), ընտանեկան նպաստի 9 (8%) և կենսաթոշակի վճարման 9 (8%) վերաբերյալդիմումները:

Գրավոր դիմումներում գերակշռող մաս են կազմել ավանդների փոխհատուցման՝ 51 (7%), հումանիտար օգնության 87 (12%), կենսաթոշակի վճարման 59 (8%),ընտանեկան նպաստի 39 (6%) վերաբերյալ դիմումները:

Դեկտեմբերի ընթացքում պատասխանվել է քաղաքացիներից ևիրավաբանական անձանցից ստացված 445 դիմումի: Դիմումների պատասխաներն ըստ բնույթի ունեն հետևյալ պատկերը. 237 (53%)-ը պարզաբանվել է, 150 (34%) քաղաքացու խնդրանք բավարարվել է, 42-ը (9%) վերահասցեագրվել է պետականայլ մարմիններ, իսկ 16-ին (3%) տրվել է մերժողական պատասխան:

Հաշվետու ժամանակահատվածում նախարարի մոտ կազմակերպվել է մեկընդունելություն՝ մեկ քաղաքացու մասնակցությամբ: Նախարարի տեղակալների մոտկայացել է երեք ընդունելություն` 6 քաղաքացու մասնակցությամբ: Յուրաքանչյուր ընդունելության ընթացքում տրված հանձնարարականների հիման վրա կազմվել են արձանագրություններ, որոնք գրանցվել և ընթացք են ստացել սահմանված կարգով: