Հայաստանը փրկե՞ց Ադրբեջանին ռուսներից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանը փրկե՞ց Ադրբեջանին ռուսներից։

Չգիտես՝ լաց լինել կամ ծիծաղել Հայաստանում թավշյա իշխանության բարձրագույն իշխանավորների բացահայտ աննորմալ ճիգերից արդարացնել իրենց ձախողումներն ու թուրքերի հանդեպ «անհատույց» սերը ։ 

Ներկայիս հայկական «էլիտայի» թավշյա տեղեկատվական ռեսուրսները տեղեկություններ են տարածում այն մասին, որ Ռուսաստանը, պարզվում է, ցանկացել է պարան գցել Հայաստանի և Ադրբեջանի վզին և հետագայում Հայաստանը դարձնել Միութենական պետության մաս, բայց 2021 թվականին «ժողովուրդը թույլ չի տվել դա անել" և ընդհանրապես ռուսները Թուրքիայի հետ պայմանավորվել են տարածաշրջանում նոր կոնֆիգուրացիայի մասին և այսպես շարունակ։

Մի զարմացեք, այս «գժությունը» ասվել է դեմքի լուրջ արտահայտությամբ։

Ես հասկանում եմ, որ մարդկանց ապուշի տեղ դնելը  այս իշխանության գլխավոր ֆիշկան է ՝ իր թուրքամետ քաղաքականությունն արդարացնելու համար, բայց ամեն ինչ սահման ունի, նույնիսկ մարդկանց  հիմարացնելու փորձերը։

Այսինքն ՝ Ռուսաստանը, Թուրքիայի համաձայնության ներքո  դավադրաբար ուզում էր իրեն ենթարկել Ադրբեջանը ( Հայաստանի մասին հետո), բայց հայ ժողովուրդը «փրկեց» Ադրբեջանին և թույլ չտվեց ռուսներին պոկել Ադրբեջանը Թուրքիայից։

Իսկ Թուրքիան այդ իրավիճակում «բամբուկ» էր ծխում և հավանաբար ռուսների հանդեպ մեծ սիրո զգացմունքից  համաձայնեց Ադրբեջանը հանձնել՞ ռուսներին։

Եվ ամենակարևորը:..համոզված եմ, որ ռուսները զարմանքից խեղդվեցին, երբ իմացավ՜, որ պարզվում է նրանք ուզում էին մեզ «ուժով քարշ տալ» Միութենական պետություն, բայց այս իշխանության  քաջության  շնորհիվ դա տեղի չունեցավ ։ 

Հն՞...ինչ էքսպրեսիյա, ինչ մտքի և ֆատազիայի թռիչք։

Հիմա լուրջ.
Անվանեք գոնե մեկ օրինակ,գործընթաց, առաջարկ, փաստաթուղթ թե՞ ինչպես ռուսները փորձեցին մեզ «քաշել" միութենական պետություն։

Գոնե մեկը:

Չեք կարողանա, որովհետև նման գործընթացները գոյություն ունեն Հայաստանում խիստ բացասական  տրամադրություններ հրահրելու ձեռնարկներում, ուրիշ ոչ մի տեղ ։ 

Այսինքն ՝ համաձայն հին թավշյա սովորության, սրանք կրկին ստում են մեզ:

Եվ երբ թավշյա իշխանությունը փրփուրը բերանին պահանջում է դաշնակցի պաշտպանությունը ադրբեջանական ագրեսորից, ապա լավ կլիներ հարցնել ՝ դուք, թե՞ ռուսները հենց հիմա ագրեսորի հետ բանակցում եք Հայաստանի և Արցախի օկուպացիայի արդյունքները օրինակացման ուղղությամբ ։ 

Դուք, թե՞ ռուսները՜ Պրահայում ագրեսորի հետ ստորագրել եք Արցախը հանձնելու մասին փաստաթուղթ.

Դուք, թե՞ ռուսները Թուրքիայից խոնարհաբար խնդրում եք սահմանի բացումը ։ 

Իսկ, ով՞ պաշտոնապես հրաժարվեց պաշտպանել արցախահայությանը էթնիկ զտումների ժամանակ, որն իրականացնում էին նրանք, ում հետ այժմ բանակցում եք:

Արդեն ֆիզիկապես զզվելի է լսել այս ողջ թուրքամետ բարբաջանքը։

Արման Աբովյան

Առավել մանրամասն` այստեղ. https://t.me/arm24live