ՊԱՏՄՈՒԹՅԱՆ ԱՅՍ ՕՐԸ (5 ՄԱՐՏԻ). Բոստոնյան սպանդը, Սորբոնի համալսարանի փակումը, կորեական բանակցությունները. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Իրան՝ Ծառ տնկելու օր:

ՀԱՅ-ՀԱՅԱՍՏԱՆ

1873- ծնվել է բանասեր, հրատարակիչ Թեոդիկը (Թեոդորոս Լապճինճյան)։

1905- ծնվել է քիմիկոս, դոկտոր Սերոբեր Եղիկյանը։

1909- վախճանվել է աշուղ Ջիվանին։

1927- Բեյրութում հրատարակվել է «Ազդակ» շաբաթաթերթը, որը հետագայում դարձել է օրաթերթ։

1932- ծնվել է նկարիչ, արվեստաբան Հենրիկ Իգիթյանը։

1959- ծնվել է հասարակական, քաղաքական և զինվորական գործիչ, ՀՀ պաշտպանության նախարար, վարչապետ, Հայաստանի ազգային հերոս Վազգեն Սարգսյանը։

1962- ծնվել է ֆրանսահայ դերասան, «Արամ», «Արարատ» ֆիլմերի գլխավոր դերակատար Սիմոն Աբգարյանը։

2003- Ռոբերտ Քոչարյանը երկրորդ անգամ ընտրվել է Հայաստանի Հանրապետության նախագահ։

2007- IBF և IBO վարկածներով բռնցքամարտի աշխարհի չեմպիոն Վիկ Դարչինյանը պաշտպանել է իր տիտղոսը՝ պարտության մատնելով աշխարհի նախկին չեմպիոն մեքսիկացի Վիկտոր Բուրգոսին, որը մենամարտից հետո հայտնվել է հիվանդանոցում:

2010- Օպերայի և բալետի ազգային ակադեմիական թատրոնի բեմում հանդես է եկել Էմիր Կուստուրիցան՝ իր The No Smoking Orchestra խմբով:

2013- որպես էպոսագետ ներկայացող՝ նախագահի նախկին թեկնածու Վարդան Սեդրակյանը կալանավորվել է ԱԻՄ առաջնորդ Պարույր Հայրիկյանի դեմ իրականացված մահափորձի առնչությամբ:

2023- ադրբեջանական զինուժի դիվերսիոն խումբը Արցախի «Խայփալու» կոչվող տեղանքում թիրախավորել և կրակ է բացել ոստիկանության անձնագրային և վիզաների վարչության անձնակազմի հերթափոխի մեքենայի վրա, զոհվել է ոստիկանության 3 ծառայող:

ԱՇԽԱՐՀ

1133- ծնվել է Անգլիայի թագավոր Հենրի 2-րդ Պլանտագենետը։

1512- ծնվել է ֆլամանդցի քարտեզագիր, մաթեմատիկոս, փիլիսոփա Գերհարդ Մերկատորը։

1534- վախճանվել է իտալացի նկարիչ Կորեջիոն։

1558 -բժիշկ Ֆրանցիսկո Ֆերնանդեսը Իսպանիայի թագավոր Ֆիլիպ 2-րդի կողմից ուղարկվել է Մեքսիկա՝ եվրոպացիների համար անծանոթ բույսերը և սնունդը ուսումնասիրելու համար։ Այդ օրը համարվում է Եվրոպայում ծխախոտի հայտնվելու օր։

1770 -տեղի է ունեցել «Բոստոնյան սպանդը». Բոստոնում անկարգությունների ժամանակ անգլիացի զինվորները կրակ են բացել քաղաքի բնակիչների ուղղությամբ, որի արդյունքում զոհվել է հինգ մարդ։

1792 -Ֆրանսիայի հեղափոխական կառավարությունը փակել է Սորբոնի համալսարանը և երկրի բոլոր աստվածաբանական ֆակուլտետները։

1827- վախճանվել է իտալացի ֆիզիկոս և քիմիկոս Ալեսանդրո Վոլտան, որի պատվին է կոչվել Վոլտ չափման միավորը։

1854- ծնվել է լոնդոնցի կին գործարար Ռութ Բելվիլը, որն իր հաճախորդներին ժամանակ է վաճառել։

1868 -Անգլիայում արտոնագրվել է ստեպլերը։

1871- ծնվել է հրեական ծագումով գերմանացի տնտեսագետ և փիլիսոփա Ռոզա Լյուքսեմբուրգը։

1913- ծնվել է հնդիկ դասական երգչուհի Գանգուբայ Հանգալը։

1933- Ադոլֆ Հիտլերի նացիստական կուսակցությունը Գերմանիայի Ռայխսթագի ընտրություններում հավաքել է ձայների 43,9 %-ը։

1940- խորհրդային ղեկավարությունն արձակել է 25700 լեհ մտավորականների ոչնչացման հրաման։

1940- վախճանվել է ռուս կոմպոզիտոր, թավջութակահար, ավելի ուշ՝ կառավարիչ, արդյունաբերող և գործարար Ալեքսեյ Դավիդովը։

1946- Մեծ Բրիտանիայի վարչապետ Ուինսթոն Չերչիլը ԱՄՆ-ի Միսսուրի նահանգի Ֆուլտոն քաղաքում արտասանված ճառում ասել է, որ Եվրոպայի վրա իջել է «երկաթյա վարագույր»։ Սկսվել է «Սառը պատերազմը»։

1947- վախճանվել է իտալացի դաշնակահար, կոմպոզիտոր Ալֆրեդո Կազելլան։

1953- վախճանվել է ռուս նշանավոր կոմպոզիտոր և դաշնակահար Սերգեյ Պրոկոֆևը։

1953- վախճանվել է խորհրդային քաղաքական գործիչ, ԽՍՀՄ երկրորդ ղեկավար Իոսիֆ Ստալինը։

1958- կատարվել է Յակ-28 ինքնաթիռի առաջին թռիչքը։

1979- ամերիկյան Վոյաջեր-1 տիեզերանավն իրականացրել է Յուպիտեր մոլորակին առավելագույն մոտեցումը։

1989 - «Disney Channel» հեռուստաալիքով կայացել է «Չիպն ու Դեյլը շտապում են օգնության» մուլտսերիալի պրեմիերան։

1997 -մեկ քառորդ դար անց Հարավային և Հյուսիսային Կորեաները նստել են բանակցությունների սեղանի շուրջ։

2000 -աշխարհում առաջին անգամ անգլիացի գիտնականները իրականացրել են խոզերի կլոնավորման հաջողված օպերացիա։

2013- վախճանվել է Վենեսուելայի նախագահ Ուգո Չավեսը։

Մանրամասները՝ «Փաստ» օրաթերթի այսօրվա համարում