Ucom-ը շնորհավորում է բոլորի գարնանային տոները նոր առաջարկով

Գարնանային տոների կապակցությամբ Ucom ընկերությունն այս տարի ևս գեղեցիկ առաջարկներ է անում իր բաժանորդներին։ 

Մարտի 4-ից ապրիլի 15-ը բոլոր հաճախորդները միայն Ucom-ի վաճառքի և սպասարկման կենտրոններում կարող են ձեռք բերել Xiaomi Redmi Note 13 Pro սմարթֆոնը՝ ամսական վճարելով 2990 դրամ: Սմարթֆոնի հետ կտրամադրվի Xiaomi Redmi անլար ականջակալ և գեղեցիկ հեռախոսահամար՝ Level Up 1800 փաթեթով։ Փաթեթն առաջին ամիսը կլինի անվճար, հետը նաև կտրամադրվի 100 ԳԲ ինտերնետ, որը հասանելի կլինի 6 ամսվա ընթացքում։ Հեռախոսի գինը կանխիկ գնելու դեպքում 143.500 դրամ է:

Սմարթֆոնն ունի 200 ՄՊ հիմնական տեսախցիկ՝ գեղեցիկ լուսանկարներ անելու համար և 256 ԳԲ հիշողություն՝ ձեր կյանքի հիշարժան պահերը պահպանելու համար։ Ունի նաև ժամանակակից և էներգախնայող, 120 հերց թարմացման հաճախությամբ AMOLED մեծ էկրան։ Հեռախոսի ոճային դիզայնը լրացնում են երեք նուրբ գույները՝ Forest Green (կանաչ), Lavender Purple (մանուշակագույն) և Midnight Black (սև): 

«Վստահ եմ, որ մեր բաժանորդները սպասում էին, թե ինչ տոնական առաջարկով մենք հանդես կգանք, ու կարծում եմ, հիասթափված չեն մնա։ Գարնանային ակցիայի համար ընտրված մեր սմարթֆոններն իրենցով արդեն գեղեցիկ նվեր են ձեր սիրելիների համար, բայց առաջարկվող գինը, ականջակալը, հեռախոսահամարն ու փաթեթը փայլուն լրացում են դրան», - նշել է Ucom ընկերության գլխավոր տնօրեն Ռալֆ Յիրիկյանը։

Նշենք, որ առաջարկի շրջանակում հասանելի է նաև Xiaomi Redmi Note 13 Pro սմարթֆոնը ավելի մեծ՝ 512 ԳԲ հիշողությամբ, որի ընդհանուր արժեքը 174․900 դրամ է: