«ՀՀ-ն պետք է մեզ վերադարձնի 8 գյուղ»․ Բաքուն պատասխանել է ՀՀ փոխվարչապետի գրասենյակին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գրել ենք, որ Ադրբեջանի հետ սահմանազատման հանձնաժողովը գլխավորող ՀՀ փոխվարչապետ Մհեր Գրիգորյանի գրասենյակից հայտնել են՝ Ադրբեջանը հրաժարվում է ընդունել, որ օկուպացված է պահում Հայաստանի 31 ոչ անկլավային բնակավայրերի տարածքները՝ ըստ էության հաստատելով, որ Բաքուն 4 գյուղ պահանջում է առանց զորքերը հայկական տարածքներից հետ քաշելու մտադրության։
Չորս դիրքապահի կյանք խլած Ներքին Հանդի դեպքերից հետո թեման բարձրացրած վարչապետ Փաշինյանը չէր հստակեցրել՝ արդյոք 4 գյուղերի վերադարձ պահանջող Ադրբեջանը հրաժարվում է հետ քաշվել 31 հայկական գյուղերից։

«Ադրբեջանը բարձրաձայնում է հետևյալ տեղանունները՝ Բաղանիս Այրում, Աղաշը (ներքին) Ոսկեպար, Խեյրիմլի, Կըզըլ Հաջիլի՝ միաժամանակ հրաժարվելով ընդունել, որ ադրբեջանական օկուպացիայի տակ են գտնվում Հայաստանի 31 ոչ անկլավային բնակավայրերի կենսական նշանակության տարածքներ»,- հայտնել էին փոխվարչապետի գրասենյակից: 

Անդրադառնալով այս հայտարարությանը, Ադրբեջանի փոխվարչապետ Շահին Մուստաֆաևի ծառայությունից ԱՊԱ-ին հայտնել են, որ այս փուլում հայ-ադրբեջանական սահմանազատման հարցերով հանձնաժողովների գործունեության շրջանակներում աշխատանքներ են տարվում սահմանազատման աշխատանքների իրականացման համար անհրաժեշտ նորմատիվ-իրավական բազայի ստեղծման ուղղությամբ։

Ադրբեջանի փոխվարչապետի գրասենյակից նշել են, որ «նախքան պետական ​​սահմանի սահմանազատման իրականացումը՝ բացարձակապես անհիմն է հայտարարել, թե Հայաստանի 31 գյուղերին պատկանող հողերը օկուպացված են»։

Ինչ վերաբերում է Ադրբեջանի կողմից հիշատակվող 4 գյուղերին, որոնք, ըստ Բաքվի, գտնվում են «Հայաստանի վերահսկողության տակ», Մուստաֆաևի ծառայությունից պնդել են, որ դրանց «դրանց պատկանելությունը Ադրբեջանին անվիճելի է, և դրանք ենթակա են անհապաղ ազատման»։

Նշվում է նաև, որ սահմանազատման գործընթացի շրջանակներում «կլուծվի նաև Հայաստանի կողմից օկուպացված 4 էքսկլավային գյուղերի՝ Յուխարի Ոսկեպարի, Սոֆուլուի, Բարխուդարլիի և Քյարքիի ազատագրման հարցը»։

Առավել մանրամասն` այստեղ.

 https://t.me/arm24live