Հայ ժողովուրդը կանգնած է նոր արհավիրքի առջև և պետք է անել քայլեր, պետությունը մասնատումից փրկելու համար. Հրայր Կամենդատյան

Ոսկեպարի մասին։ Հայրենակիցներ, երկու օր առաջ ՀՀ ազգակործան պատուհասը հանդիպել է Ոսկեպարցիների հետ եվ իրեն յուրահատուկ ծամածռություններով ,մոլորեցնելու իր վարպետությամբ փորձել է տեղի բնակիչներին համոզել, որպեսզի նրանք կատարեն դավաճանական քայլեր, հրաժարվեն Հայաստանի հանրապետության տարածքից, որտեղ իրենք բնակվում են, որտեղ բնակվել են նրանց պապերը, հայրերը։ Ակնհայտ է ,որ քէպէական պարագլուխը շտապում է ու համարյա ոտք ու ձեռք ընկած խնդրում , աղաչում , պաղատում է, որպեսզի արագ, կարճատև ժամկետների ընթացքում ստանա գյուղացիների համաձայնությունը ։Գյուղացիների հետ զրույցներում չի էլ փորձում թաքցնել, որ դա միակողմանի զիջում է լինելու,զիջման դիմաց ոչինչ չի ստանալու մեր երկիրը։ Փորձենք քննարկել թեմայի մի կարևոր հանգույց ։

Եթե նույնիսկ այդ տարածքները հանձնվեն ադրբեջանին, ապա ինչպես է ադրբեջանական զինվորական կոնտինգենտը հայտնվելու այդ տարածքներում ?Փաստացի, կարելի է կանխատեսել ,որ քէպեական իշխանությունը ադրբեջանի տալու է ոչ միայն տարածքները, այլև դեպի այդ տարածքներ տանող ճանապարհները, որոնք զիջվելու են հանրապետության ոչ մի կերպ ,ոչ մի թեմայով, ոչ մի քարտեզով չվիճարկվող տարածքներից։

Ազգադավը փաստացի փորձում է հանձնել ոչ միայն վիճելի այսպես կոչված անկլավները, այլև փորձելու թ զիջել դեպի այդ անկլավները տանող բոլոր ճանապարհները։ Փաստացի մենք ունենք մի խաբեբա պաշտոնյա անձնավորություն' ով ադրբեջանին զիջելու է ամեն ինչ, եվ մի բան էլ հավելյալ։ Ադրբեջանին զիջվող տարածքներից զատ ,ռազմական զոնան թուրքական զորք լցնելու համար նա զիջելու է միջանցքներ։ Եթե հաշվի առնենք, որ Հայաստանի հանրապետության և ադրբեջանի միջև նախկինում առկա ,այսպես կոչված անկլավների քանակը անցնում է 8-10-ից, ապա վստահ եղեք, որ ներկա իշխանությունը այդ տարածքների հետ ադրբեջանին հանձնվելիք միջանցքների միջոցով Տավուշի սահմանային գոտին դարձնում է մաղ եվ հիմքից ոչնչացնում ՀՀ հյուսիս արևելյան սահմանագիծը եվ պաշտպանական հանգույցները։ Նոր տարածքներ,նոր միջանցքներ հանձնողը լիակատար տիրապետող ռազմական ենթակառուցվածքների է վերածելու ադրբեջանական ռազմական ներկայությունը։ Կարծում եմ այս ամենը բավարար է հասկանալու, որ ազգակործան պատուհասը պետք է հրաժարական տա իշխանությունից, պետք է ադրբեջանի հետ բանակցություններում Հայաստանը ներկայացնի նոր մարդ, նոր թիմ,որոնք ի վիճակի կլինեն հասնելու արժանապատիվ խաղաղության։

Որպես վերջաբան,եթե նախկինում ՀՀ եվ ազերիները որպես միջնորդ կողմ ընդունում էին ՌԴ,ապա ներկայումս չկա այդ միջնորդի դեր ստանձնած որևէ կողմ։Այս պահին ՀՀ մնացել է առանց դաշնակից եվ հակառուսական քայլերի արդյունքում այլեւս չկա քիչ թէ շատ չեզոք միջնորդ կողմ ևս,ով կարող էր որոշակի հանդարտեցում բերեր սահմանազատման հարցերում։Հայ ժողովուրդը կանգնած է նոր արհավիրքի առջև եվ պետք է անել քայլեր,պետությունը մասնատումից փրկելու համար։